ვენესუელაში სამხედრო ოპერაციის დაწყებამდე აქტიური სამზადისი მიმდინარეობს.
ამერიკელები განაგრძობენ სამხედრო წარმომადგენლობის მასობრივ გაძლიერებას პუერტო-რიკოს საჰაერო ბაზაზე, ვენესუელაში შეჭრისთვის წინარე სამზდისის ფარგლებში.
Reuters-ის ჟურნალისტებმა გადაიღეს რეგულარული ფრენების ამსახველი კადრები, რომლებზეც შემდეგი ტიპის საავიაციო ტექნიკაა ასახული: V-22 Osprey-ის ტიპის სატრანსპორტოკონვერტოპლანები ( საზღვაო ქვეითების დესანტირებისთვის) , CH-53 Super Stallion-ის ტიპის მძიმე სატრანსპორტო შვეულმფრენები, C-130 Hercules-ის ტიპის სამხედრო-სატრანსპორტო თვითმფრინავები, UH-60 Black Hawk-ის ტიპის სამხედრო-სატვირთო შვეულმფრენები და F-35B-ს ტიპის ვერტიკალური აფრენა-დაფრენის ავიაგამანადგურებლები.
„ძალიან ვაფასებ და პატივს ვცემ პრეზიდენტ ტრამპის გადაწყვეტილებას, გაუმკლავდეს ნარკო-ხალიფატის ქვეყნებს, რომლებიც ჩვენს სამეზობლოში იმყოფებიან — რომელთაგან მთავარია ვენესუელა”, - ამბობს აშშ-ის სენატორი ლინდსი გრეჰემი.
მისივე თქმით, ათწლეულზე მეტია, მადურო აკონტროლებს ნარკოტერორისტულ სახელმწიფოს, რომელიც წამლავს ამერიკას და მან შექმნა ალიანსები საერთაშორისო ტერორისტულ ორგანიზაციებთან, როგორიცაა ჰეზბოლა.
"ის არის არალეგიტიმური ლიდერი, რომელსაც აშშ-ის სასამართლოებში ბრალი აქვს წაყენებული ნარკოტიკებით ვაჭრობისთვის და ვენესუელაზე კონტროლს ტერორის მეფობით ინარჩუნებს.პრეზიდენტ ტრამპის მტკიცე ვალდებულება, დაასრულოს ეს სიგიჟე ვენესუელაში, გადაარჩენს უთვალავი ამერიკელის სიცოცხლეს და ახალ სიცოცხლეს შესძენს ვენესუელას მშვენიერ ხალხს" - ამბობს გრეჰემი.
ცნობისთვის, აშშ-ის პრეზიდენტმა დონალდ ტრამპმა სოციალურ ქსელში დაწერა, რომ ვენესუელის საჰაერო სივრცე დახურულად უნდა ჩაითვალოს.
„ყველა ავიაკომპანიას, პილოტს, ნარკოდილერს და ადამიანით ვაჭრობაში მყოფ პირს, გთხოვთ, განიხილოთ ვენესუელის საჰაერო სივრცე მთლიანად ჩაკეტილად. გმადლობთ საკითხისადმი თქვენი ყურადღებისთვის“, – დაწერა მან.
ვენესუელას ხელისუფლება აშშ-ის პრეზიდენტ დონალდ ტრამპის განცხადებას ეხმაურება, რომლის თქმითაც, ქვეყნის გარშემო საჰაერო სივრცე დახურულად უნდა ჩაითვალოს.
ქვეყნის საგარეო საქმეთა სამინისტრომ ტრამპის კომენტარებს „ვენესუელის ხალხის წინააღმდეგ კიდევ ერთი ექსტრავაგანტული, უკანონო და გაუმართლებელი აგრესია“ უწოდა.
„მოვუწოდებთ საერთაშორისო საზოგადოებას, მსოფლიოს სუვერენულ მთავრობებს, გაერო-ს და შესაბამის მრავალმხრივ ორგანიზაციებს, მტკიცედ უარყონ აგრესიის ეს ამორალური აქტი“, - აღნიშნულია უწყების განცხადებაში.
შეგახსენებთ, გუშინ დონალდ ტრამპმა ვენესუელის საჰაერო სივრცის დახურვის შესახებ გამოაცხადა.
„ყველა ავიაკომპანიას, პილოტს, ნარკოტიკებითა და ადამიანებით მოვაჭრეს, გთხოვთ, ვენესუელის თავზე და მის გარშემო საჰაერო სივრცე სრულად დახურულად ჩათვალოთ. მადლობა ყურადღებისთვის!“, - დაწერა აშშ-ის პრეზიდენტმა Truth Social-ზე.
ერთი დღით ადრე კი აშშ-ის პრეზიდენტმა განაცხადა, რომ ვენესუელელი ნარკორეალიზატორების წინააღმდეგ ხმელეთზე ზომებს მალე მიიღებდა.
