20 საათში შეგიძლიათ უყუროთ „ბეჭდების მბრძანებლისა“ და „ჰობიტის“ ტრილოგიას, წახვიდეთ ველოტურზე, ან შეგიძლიათ მსოფლიოში ყველაზე გრძელ ფრენაში მიიღოთ მონაწილეობა.
2025 წლის ბოლოდან ავსტრალიური ავიაკომპანია Qantas Airways მსოფლიოში ყველაზე გრძელ რეისს განახორციელებს. ეს იქნება ფრენა ავსტრალიის სიდნეის აეროპორტიდან ლონდონის ჰითროუსკენ, რომელსაც Qantas-მა Project Sunrise (პროექტი მზის ამოსვლა) დაარქვა.
მარშრუტი 17 000 კმ-იანი იქნება. ფრენის ხანგრძლივობა - დაახლოებით 20 საათის, მგზავრებს შეეძლებათ ორი მზის ამოსვლა ნახონ, რადგან რეისის განმავლობაში დროის ზონების ცვლილება მოხდება.
მანამდე, ასეთი ხანგრძლივი ფრენისთვის, ავიაკომპანიამ თვითმფრინავი უნდა მოამზადოს - შეამცირეთ ადგილების რაოდენობა, რათა ბორტი უფრო მსუბუქი იყოს. დაგეგმილია მგზავრებისთვის დასასვენებელი ზონის მოწყობაც.
ფრენები განხორციელდება Airbus A350-1000-ით, ავიაციის ინდუსტრიის ყველაზე დიდი თვითმფრინავით. მიუხედავად იმისა, რომ ამ თვითმფრინავის მოდელი, როგორც წესი, 350-დან 410 მგზავრს იტევს, Project Sunrise თვითმფრინავს სულ 238 მგზავრი ეყოლება, მათ შორის:
6 - პირველი კლასის ლუქსში; 52 - ბიზნეს კლასის ლუქსში; 40 - პრემიუმ ეკონომ კლასში; 140 - ეკონომ-კლასში.
ამ რეისის თვითმფრინავის სავარძლები აღჭურვილი იქნება ერგონომიული სისტემით, რაც კომფორტულად დაჯდომასა და პირადი ნივთების განთავსებას გულისხმობს. თითოეულ ადგილს ექნება სწრაფი დამუხტვის რამდენიმე პორტი, ხოლო პრემიუმ-კლასის თითოეული სავარძელი უსადენო დამმუხტველით იქნება აღჭურვილი.
ფრენის დროს, A350-ის ოთხივე სალონში, სწრაფი და უფასო Wi-Fi იქნება ხელმისაწვდომი, რაც მგზავრებს საშუალებას მისცემს, ფრენის დროს პერსონალური ყურსასმენები გასართობ ეკრანთან დააკავშირონ. ეკონომიურ სავარძლებთან კი 13-დიუმიანი OLED ეკრანი იქნება დამონტაჟებული.
რაც შეეხებათ პირველი კლასის მგზავრებს, თითოეულ ადგილს აქვს 2-მეტრიანი საწოლი, სასადილო მაგიდა ორი ადამიანისთვის, ცალკე დასაკეცი სკამი და 32-დიუმიანი 4K ულტრა მაღალი გარჩევადობის სენსორული ტელევიზორი.
რა ეღირება ამ რეისის ბილეთს ან როგორი იქნება საბორტო სერვისი, ჯერჯერობით უცნობია.
ახლა ყველაზე გრძელი ფრენები სინგაპურის ავიახაზების მარშრუტების ქსელშია. ეს არის ფრენები სინგაპურიდან ნიუ-იორკში. ქალაქებს შორის ფრენა 18 საათი და 40 წუთი გრძელდება.
