ბუნებრივი გარემოს ადამიანის მიერ შეცვლას არსებითი შედეგები აქვს, რომლებიც მყისიერად არ იგრძნობა. მაგალითად, ახალი კვლევის მიხედვით, ჰაერის დაბინძურება დაკავშირებულია ჭექა-ქუხილის დროს ელვის სიხშირის ზრდასთან.
ვირჯინიის ჯეიმს მედისონის უნივერსიტეტის მკვლევრებმა დედაქალაქ ვაშინგტონსა და ქალაქ კანზასში ბოლო 12 წლის განმავლობაში მომხდარი 500 000-ზე მეტი ჭექა-ქუხილის მონაცემები შეისწავლეს და დაადგინეს, რომ ჰაერში მეტი წვრილი ნაწილაკის არსებობა (აეროზოლები) ფართოდ არის დაკავშირებული ელვის მაღალ რაოდენობასთან.
კავშირი აეროზოლებსა და ელვას შორის აქამდეც იყო შესწავლილი, მაგრამ ამ საკითხის უკეთესად შეფასებას მეცნიერები დღემდე ცდილობენ, რადგან ამ ყველაფერში ჩართულია მრავალი სხვადასხვა ატმოსფერული ფაქტორი.
„დაბინძურება ღრუბლის ბირთვის სახით მოქმედებს. ის ღრუბელში აღმავალი ნაკადის სახით შედის; ამის შემდეგ, აღმავალი და დაღმავალი ნაკადები დამაბინძურებელ ნაწილაკებს აცალკევებს, რაც ღრუბელში ელექტრულ მუხტებს ყოფს და იწვევს უფრო მეტი ელვის წარმოქმნას“, — ამბობს ჯეიმს მედისონის უნივერსიტეტის გეოგრაფი მეის ბენტლი.
ვრცლად პირველ არხზე
