Forbes-ის მსოფლიოს უმდიდრესი ადამიანების 2025 წლის რეიტინგში 21 პირი ოცდაათ წლამდე ასაკისაა.
მათ შორის ყველაზე ახალგაზრდა 19 წლის გერმანელი იოჰანეს ფონ ბაუმბახია, რომელიც მსოფლიოში უდიდესი კერძო ფარმაცევტული კომპანიის, გერმანული Boehringer Ingelheim-ის მემკვიდრეა.
ყველაზე ახალგაზრდა მილიარდერებიდან უმრავლესობას სიმდიდრე მემკვიდრეობით აქვს მიღებული. მსოფლიოში ყველაზე ახალგაზრდა მილიარდერების რეიტინგში მეორე ადგილზე 20 წლის ლივია ვოიგტ დე ასისია – $1.2 მილიარდით (სამრეწველო მანქანების ბიზნესი), მესამეზე კი ასევე 20 წლის კლემენტე დელ ვეკიო - $6.6 მილიარდით (სათვალების ბიზნესი).
