გიორგი მიქაუტაძის ტრანსფერთან დაკავშირებით „ბრენტფორდის“ მცდელობა შეჩერდა, რადგან თავდამსხმელი „ლიონის“ ერთგული დარჩა – ინფორმაციას რამდნეიმე ფრანგული გამოცემა ავრცელებს.
ამ ცნობების მიხედვით, მიქაუტაძისა და მალიკ ფოფანას ტრანსფერები ჯერ ვერ ხორციელდება. ლიგა 1-ის კლუბმა სეზონი კარგად დაიწყო და ორივე მატჩი მოიგო. თუმცა, ფინანსური პრობლემები ჯერ კიდევ აქვს – „ლიონს“ სასწრაფოდ სჭირდება დაახლოებით 40 მილიონი ევროს მობილიზება, რათა ფინანსური ვალდებულებები სეზონის დასრულებამდე დაფაროს.
მალიკ ფოფანამ „ევერტონში“ გადასვლაზე უარი თქვა. ლიონელებისთვის მიზნის მიღწევაში გიორგი მიქაუტის ტრანსფერი პრიორიტეტული გახდა, მაგრამ „ბრენტფორდი“ დაბრკოლებას წააწყდა.
გავრცელებული ინფორმაციით, ამ ეტაპზე „ბრენტფორდის“ შეთავაზება შეჩერებულია. მიზეზი „ლიონის“ მიმართ მიქაუტაძის პირადი ერთგულებაა – ქართველი ფეხბურთელი, რომელიც იოჰან ვისეს შემცვლელად მიიჩნეოდა, ბავშვობის კლუბში დარჩენას ამჯობინებს.
