აშშ-ის პრეზიდენტის, დონალდ ტრამპის სპეციალური წარმომადგენელი უკრაინისა და რუსეთის საკითხებში, გენერალი კიტ კელოგი ევროპაში გაემგზავრა. ინფორმაციას ამის შესახებ თავად კელოგი სოციალურ ქსელში ავრცელებს.
კიტ კელოგი წერს, რომ ევროპაში ვიზიტის დრო მოკავშირეებს და პარტნიორებს შეხვდება, რომლებიც მზად არიან იმუშაონ აშშ-სთან, რათა მიაღწიონ დონალდ ტრამპის ამოცანებს უკრაინაში ომის დასრულებისა და ევროპაში სტაბილურობის აღდგენის შესახებ.
აშშ-ის სახელმწიფო დეპარტამენტმა განაცხადა, რომ კელოგი 13 თებერვლიდან 22 თებერვლამდე გერმანიაში, ბელგიასა და უკრაინაში ჩავა.
