დონალდ ტრამპი უმცროსი გრენლანდიაში ჩასვლას გეგმავს.
როგორც „ესოშიეტიდ პრესი“ წერს, აშშ-ის არჩეული პრეზიდენტის ვაჟი გრენლანდიაზე ერთი დღით ჩასვლას გეგმავს, სადაც პოდკასტისთვის ვიდეოს გადაღებას აპირებს. მას ადგილობრივი მთავრობის წარმომადგენლებთან ან პოლიტიკურ ფიგურებთან შეხვედრა დაგეგმილი არ აქვს.
„მე გავიგე, რომ გრენლანდიის ხალხი არიან MAGA. ჩემი ვაჟი და სხვადასხვა წარმომადგენელი გაემგზავრებიან იქ, რათა ეწვიონ ზოგიერთ ყველაზე შესანიშნავ ადგილებსა და ღირსშესანიშნაობებს. გრენლანდია წარმოუდგენელი ადგილია და ხალხი უზარმაზარ სარგებელს მიიღებს, თუ და როდესაც ის გახდება ჩვენი ქვეყნის ნაწილი. ჩვენ მოვუვლით და დავიცავთ მას ბოროტი გარე მსოფლიოსგან. გავხადოთ გრენლანდია კვლავ დიადი!“ – დაწერა დონალდ ტრამპმა.
კუნძული გრენლანდია არის დანიის სამეფოში შემავალი ავტონომიური ტერიტორია.
