CNN-ის ინფორმაციით, 3000 წლის ოქროს სამაჯური, რომელიც ფარაონ ამენემოპეს ეკუთვნოდა, ეგვიპტის მუზეუმის საცავიდან 9 სექტემბერს გაუჩინარდა. ქვეყნის შს მინისტრის განცხადებით, სამაჯური მუზეუმის რესტავრატორმა მოიპარა და ძვირფასეულობით მოვაჭრეს მიჰყიდა, მან კი ნივთი კაიროს ისტორიულ საიუველირო უბანში მდებარე სახელოსნოს მფლობელს გადასცა. სახელოსნოს მფლობელისგან სამაჯური ოქროს მდნობელმა შეისყიდა, რომელმაც ლითონი სხვა ნივთებთან ერთად გადაამუშავა. მინისტრის ცნობით, ყველა ეჭვმიტანილი დაკავებულია.