ევროკომისია (EC) ოთხშაბათს გამოაცხადებს, რომ დაიწყო გამოძიება ევროკავშირში ალუმინის იმპორტის სავარაუდო უეცარ ზრდასთან დაკავშირებით, იუწყება Financial Times, დოკუმენტზე დაყრდნობით, რომელსაც გაეცნო.
თუ ინფორმაცია ასეთი ზრდის შესახებ დადასტურდება, ბრიუსელი კონტრზომებს შემოიღებს. გამოძიება შეეხება ევროკავშირის ყველა სავაჭრო პარტნიორს. გასულ კვირას, აშშ-ს პრეზიდენტმა დონალდ ტრამპმა გამოაცხადა 25 პროცენტიანი ტარიფი ალუმინიზე, რაც „სავარაუდოდ კიდევ უფრო გააუარესებს სიტუაციას“ სექტორში, რომელიც იტანჯება მაღალი ენერგეტიკული ფასების, სუსტი მოთხოვნისა და იაფი იმპორტის გამო, ნათქვამია დოკუმენტში.
ევროპის ხელისუფლება მიუთითებს ამ ტარიფების გამო „მრავალი მიმართულებიდან ვაჭრობის გადამისამართების მნიშვნელოვან რისკზე“. გარდა ამისა, ევროკავშირის ალუმინის მწარმოებლებმა „გასული ათწლეულის განმავლობაში დაკარგეს ბაზრის მნიშვნელოვანი წილი“, ნათქვამია დოკუმენტში.
