2023/2024 სასოფლო-სამეურნეო წლის პირველ კვარტალში (ივლისი-სექტემბერი) ეგვიპტემ რუსული მარცვლეულის შესყიდვაში პირველი ადგილი დაიკავა. ამის შესახებ ინფორმაციას მარცვლეულის ექსპორტიორთა კავშირი ავრცელებს.
ამავე ცნობით, აღნიშნულ პერიოდში ეგვიპტემ რუსეთისგან 2,031 მლნ ტონა მარცვლეული იყიდა, რაც წინა წელთან შედარებით (1,862 მლნ ტონა) 9,1%-ით მეტია.
მეორე ადგილი თურქეთმა დაიკავა 1,864 მლნ ტონით (10,3%-ით ნაკლები). ერთი წლის წინ მან 2,057 მილიონი ტონა შეიძინა.
სამეულს ირანი ავსებს, რომელიც ერთი წლით ადრე 2,412 მილიონი ტონით ლიდერობდა. წელს მან შესყიდვები თითქმის მეოთხედით, 1,817 მილიონ ტონამდე შეამცირა. მეოთხე ადგილზეა საუდის არაბეთი - 1,664 მლნ ტონით (1,6-ჯერ მეტი), ხოლო მეხუთე ადგილზეა ლიბია, რომელმაც 1,108 მლნ ტონა რუსული მარცვლეული იყიდა.
