დონალდ ტრამპი ამბობს, რომ BBC-ის უჩივლებს და კომპენსაციის სახით 5 მილიარდ დოლარამდე თანხას მოითხოვს. პრეზიდენტი ტრამპი ამტკიცებს, რომ მისი ნათქვამი მედიასაშუალებამ შეცვალა. მისივე შეგასებით, ვალდებულია, რომ BBC-ის უჩივლოს, რადგან „მათ ტყუილი აღიარეს“.
„მათ ჩემი სიტყვები შეცვალეს“, - აღნიშნა დონალდ ტრამპმა და დაამატა, რომ ჩივილს ის მომავალ კვირაში გეგმავს.
„ჩვენ მათ ვუჩივლებთ და 1-დან 5 მილიარდ დოლარამდე კომპენსაციას მოვითხოვთ. სავარაუდოდ, ამას მომავალ კვირაში გავაკეთებთ“, - განაცხადა აშშ-ის პრეზიდენტმა.
ცნობისთვის, გამოცემა The Telegraph-მა გამოაქვეყნა BBC-ის შიდა მემორანდუმის დეტალები, რომელშიც ნათქვამია, რომ Panorama-ს პროგრამამ აშშ-ის პრეზიდენტის გამოსვლის ორი ნაწილი ერთად დაამონტაჟა, რათა ისე წარმოჩენილიყო, რომ მან 2021 წლის იანვარში კაპიტოლიუმზე მომხდარი არეულობა წაახალისა.
BBC-ის გენერალურმა დირექტორმა, ტიმ დეივიმ და საინფორმაციო გამოშვების ხელმძღვანელმა, დებორა ტერნესმა თანამდებობები დატოვეს მას შემდეგ, რაც კორპორაცია გააკრიტიკეს იმის გამო, რომ BBC-ის დოკუმენტურმა ფილმმა Panorama-მ დონალდ ტრამპის სიტყვით გამოსვლის რედაქტირებით მაყურებელი შეცდომაში შეიყვანა.
მალევე, დონალდ ტრამპის უფლებადამცველებმა BBC-ის ოფიციალურად აცნობეს, რომ 1 მილიარდი დოლარის კომპენსაციის მოთხოვნით უჩივლებდენ, თუ კორპორაცია ბოდიშს არ მოიხდიდა და კომპენსაციას არ გადაიხდიდა.
BBC-მ აშშ-ის პრეზიდენტ დონალდ ტრამპს ბოდიში მოუხადა, თუმცა კომპენსაციის გადახდაზე უარი თქვა.
