ტაიფუნი „გაემი“ ფილიპინებისა და ტაივანის შემდეგ ჩინეთის სანაპირო ზოლის პროვინციებს დაატყდა თავს.
როგორც Reuters წერს სტიქიამ განსაკუთრებით ფუჯიანის პროვინცია დააზიანა, რის გამოც, საჭირო გახდა 300 000-ზე მეტი ადამიანის ევაკუაცია.
პროვინციაში ათობით ადგილას დატბორვის, სახლების დაზიანებისა და ხეების მოგლეჯის შემთხვევა დაფიქსირდა.
სტიქიას ჩინეთში მსხვერპლი არ მოჰყოლია. ტაივანში „გაემის“ სულ მცირე 8 ადამიანი ემსხვერპლა, ფილიპინებში კი - 34.
წყარო: ინტერპრესნიუსი