ჩინეთი, სამხრეთ კორეა და იაპონია დააჩქარებენ მოლაპარაკებებს სამმხრივ თავისუფალი ვაჭრობის შეთანხმებაზე.
ამის შესახებ სეულში გამართულ სამიტზე შეთანხმდნენ იაპონიის პრემიერ მინისტრი ფუმიო კიშიდა, კორეის რესპუბლიკის პრეზიდენტი იუნ სეოკ-იოლი და ჩინეთის სახალხო რესპუბლიკის სახელმწიფო საბჭოს პრემიერი ლი ციანგი.
გარდა ამისა, მხარეებმა ხაზგასმით აღნიშნეს, რომ რეგიონული ყოვლისმომცველი ეკონომიკური პარტნიორობა (RCEP) არის „ღია და ინკლუზიური“ რეგიონალური ასოციაცია და მოუწოდეს მის ხელმძღვანელობას „დააჩქაროს დისკუსიები ახალი წევრების გაწევრიანების პროცედურებზე“.
იაპონიას, ჩინეთსა და სამხრეთ კორეას შორის სამმხრივი სამიტი, თითქმის ხუთი წლის განმავლობაში, პირველად იმართება სეულში.
ძირითადი თემებია ვაჭრობა და ეკონომიკა, ჰუმანიტარული გაცვლა, მდგრადი განვითარება და კლიმატის ცვლილებაზე რეაგირება, ჯანდაცვა და მოსახლეობის დაბერების პრობლემა, მეცნიერება და ტექნოლოგია, ასევე თანამშრომლობა კატასტროფების შედეგებთან ბრძოლაში.
