"ჩინეთი რუსეთს აწვდის სატელიტური დაზვერვის მონაცემებს უკრაინაზე სარაკეტო დარტყმებისთვის, მათ შორის იმ ობიექტებზე, რომლებიც უცხოელ ინვესტორებს ეკუთვნით”, — ამის შესახებ უკრაინის საგარეო დაზვერვის სამსახური იუწყება.
როგორც უკრაინის საგარეო დაზვერვის სამსახურის თანამშრომელმა ოლეჰ ალექსანდროვმა განაცხადა, უკრაინის საგარეო დაზვერვის სამსახურმა დააფიქსირა მტკიცებულებები, რომ ჩინეთი რუსეთს აწვდის სატელიტური დაზვერვის მონაცემებს უკრაინაზე, კერძოდ, უცხოელი ინვესტორების ობიექტებზე სარაკეტო დარტყმების შესახებ.
„არსებობს მტკიცებულებები რუსეთსა და ჩინეთს შორის მაღალი დონის თანამშრომლობის შესახებ უკრაინის ტერიტორიის სატელიტური დაზვერვის ჩატარებაში, რათა გამოვლინდეს და დაზვერონ განადგურების სტრატეგიული სამიზნეები. ამავდროულად, როგორც ბოლო თვეებში ვნახეთ, ეს სამიზნეები შესაძლოა უცხოელ ინვესტორებს ეკუთვნოდეთ“, - თქვა მან.
დაზვერვის სამსახურმა ჯერჯერობით უარი თქვა ჩინეთის სატელიტური დაზვერვის მონაცემების გამოყენებით უკრაინის ტერიტორიაზე არსებული ობიექტების შესახებ დამატებითი დეტალების გამჟღავნებაზე.
