Goldman Sachs-ის ანალიტიკოსების პროგნოზით, Brent-ის მარკის ნავთობის ფასი 2025 წელს, ბარელზე საშუალოდ 76 დოლარი იქნება.
მათი აზრით, ბაზარი დარწმუნებულია მომავალ წელს გლობალური ნავთობის ზომიერ სიჭარბეში. ბარელზე 76 დოლარის სამიზნე ფასი ითვალისწინებს შეერთებული შტატებისა და ჩინეთის მიერ ნავთობის სტრატეგიული მარაგების გარკვეულ შევსებას, რაც ხელს შეუწყობს სავარაუდო ჭარბი ოდენობის ანაზღაურებას.
Goldman–ი ელოდება, რომ მიწოდება 400000 ბარელით გადააჭარბებს მოთხოვნას 2025 წელს, რაც გამოწვეულია ამერიკაში მიწოდების ძლიერი ზრდით. აშშ-ში მიწოდების ზრდა შეფასებულია 640 ათასი ბარელი / დღეში, კანადაში - 220 ათასი ბარელი / დღეში, ბრაზილიაში - 130 ათასი ბარელი / დღეში, ხოლო გაიანა - 80 ათასი ბარელი / დღეში – იუწყება OPIS.
ექსპერტები ვარაუდობენ, რომ Brent-ის საშუალო ფასი პირველ კვარტალში იქნება 75 დოლარი ბარელზე, მეორეში 77 აშშ დოლარი, მესამეში 76 აშშ დოლარი და მეოთხეში 74 დოლარი ბარელზე. მოსალოდნელია, რომ WTI – ზე ვაჭრობა იქნება 4 დოლარით დაბალი ვიდრე Brent–ზე.
ანალიტიკოსები პროგნოზირებენ დამატებით მიწოდების მოცულობას 2026 წელს საშუალოდ 1.3 მილიონი ბარელი დღეში. Brent-ის ფასის პროგნოზი 2026 წლისთვის არის 71 დოლარი ბარელზე, ნავთობის ჭარბი რაოდენობა მსოფლიო ბაზარზე 900 ათასი ბარელი/დღეში.
Goldman-ის ექსპერტები მიიჩნევენ, რომ ნავთობზე მოთხოვნა გაგრძელდება "კიდევ ერთი ათწლეულის განმავლობაში" განვითარებადი ეკონომიკების ზრდის წყალობით. მათი აზრით, საჰაერო მოგზაურობისა და ნავთობქიმიკატების დეკარბონიზაცია გამოწვევად დარჩება მომდევნო 10 წლის განმავლობაში.
