გერმანული Bayerische Motoren Werke AG (BMW ჯგუფი) 2024 წლიდან გეგმავს მანქანების პირდაპირ ევროპელ მომხმარებლებზე გაყიდვას. ამის შესახებ საუბარია კომპანიის პრესრელიზში
1 იანვრიდან ახალი გაყიდვების მოდელი Mini-ის ბრენდზე იტალიაში, პოლონეთსა და შვედეთში გავრცელდება. თანდათან ეს პრაქტიკა მთელ ევროპაშიც გავრცელდება.
BMW ჯგუფის ყველა ახალი ავტომობილი ევროპაში სააგენტოს მოდელის გამოყენებით გაიყიდება, აღნიშნავენ კომპანიაში.
საცალო მოვაჭრეები დარჩებიან მომხმარებლების საკონტაქტო პუნქტად და მიიღებენ ფიქსირებულ საკომისიოს თითოეული გაყიდული მანქანისთვის.
„ახალი გაყიდვების მოდელი სარგებელს მოუტანს როგორც მომხმარებელს, ასევე საცალო პარტნიორებს და BMW ჯგუფს“, - ნათქვამია პრესრელიზში.
"ერთი და იგივე მანქანის მოდელების სტანდარტული ფასები ერთსა და იმავე ქვეყანაში უზრუნველყოფს ფასების გამჭვირვალობას მომხმარებლებისთვის. გარდა ამისა, როდესაც გადავალთ სააგენტოს მოდელზე, BMW ჯგუფი ციფრულს გახდის მთელ პროცესს, რაც მომხმარებლებს საშუალებას მისცემს აირჩიონ ონლაინ და ოფლაინ შესყიდვები და შეუფერხებლად გადართვა ამ ორ არხს შორის. ყველაფერი ეს შესაძლებელი იქნება ბოლომდე, ერთიანი IT ინფრასტრუქტურისა და ნაცნობ საცალო ქსელზე სრული წვდომის წყალობით, რომლის წევრებიც მჭიდროდ არიან დაკავშირებული ერთმანეთთან“, - ნათქვამია BMW-ს პრესრელიზში.
