აშშ-ის ფინანსურმა ბაზარმა ყველაზე დიდი ერთდღიანი ვარდნა განიცადა 2020 წლის ივნისის შემდეგ, – ამის შესახებ ინფორმაციას „ბიბისი“ ავრცელებს.
„ბიბისის“ ცნობით, დოუ ჯონსის ინდექსი 3.9%-ით დაეცა, ნასდაქი – თითქმის 6%-ით, ხოლო S&P 500 5%-ით შემცირდა.
ამასთან, როგორც გამოცემა წერს, დონალდ ტრამპის მიერ დაწესებული ტარიფების შემდეგ მსოფლიო სავაჭრო ორგანიზაციამ (WTO) მკვეთრად შეამცირა გლობალური ვაჭრობის პროგნოზები. 3%-იანი ზრდის პროგნოზის ნაცვლად, ახლა ორგანიზაცია 1%-იან შემცირებას ვარაუდობს.
ორგანიზაციის გენერალური დირექტორი ნგოზი ოკონჯო-ივეალა აცხადებს, რომ ტარიფებს „ექნება მნიშვნელოვანი გავლენა გლობალურ ვაჭრობასა და ეკონომიკური ზრდის პერსპექტივებზე“.
„ბიბისი“ ასევე აღნიშნავს, რომ „ნგოზი ოკონჯო-ივეალა შეშფოთებულია საპასუხო ზომების გამო, რაც სიტუაციას კიდევ უფრო გააუარესებს“.
1tv.ge
