„სასტუმროებისა და რესტორნების ფედერაციის“ დამფუძნებელი, შალვა ალავერდაშვილი ამბობს, რომ დღეს, ეკონომიკის მინისტრთან შეხვედრაზე მისი მთავარი კითხვა იქნება - როდის გაიწვევენ კანონს. ამის შესახებ მან ჟურნალისტებს ტურიზმის ინდუსტრიის წარმომადგენლების მინისტრთან შეხვედრის დაწყებამდე განუცხადა.
მან კიდევ ერთხელ აღნიშნა, რომ არსებული ვითარების ფონზე, დედაქალაქის ცენტრალურ რაიონში მდებარე სასტუმროებს პრობლემები აქვთ.
„კრიზისი უკვე დაგვეწყო რუსთაველზე და მის გარშემო ტერიტორიაზე“, - ამბობს შალვა ალავერდაშვილი.
ეკონომიკის მინისტრი ტურიზმის დარგის წარმომადგენლებს ხვდება. სავარაუდოდ, საუბარი ქვეყანაში შექმნილ ვითარებასა და ჯავშნების გაუქმების შესახებ დარგის წარმომადგენლების მხრიდან ბოლო დღეების განმავლობაში მედიასთან გამოთქმულ წუხილებზე იქნება.
