TikTok ელექტრონული კომერციის პროგრამის დაწყებას გეგმავს, რომელიც ჩინელ გამყიდველებს პროდუქციის მთელს მსოფლიოში რეალიზაციაში დაეხმარება.
Reuters-ის ცნობით, TikTok პროგრამის გაშვებას აგვისტოში გეგმავს. ის ამ სერვისს მომხმარებლებისთვის პირველად, ოფიციალურად, ამერიკის შეერთებულ შტატებში გაუშვებს.
TikTok ამ ნაბიჯით ცდილობს გაიმეოროს ისეთი სავაჭრო პლატფორმების წარმატება, როგორიცაა Shein და PDD Holdings Temu შეერთებულ შტატებში.
პროგრამის ტესტირება, რომელსაც TikTok-ის „სრული სერვისი“ უწოდეს, უკვე მიმდინარეობს. სრული სერვისის პროგრამა კომპანიებს გაუადვილებს პროდუქციის გაყიდვას აშშ-ში, რადგან TikTok დაეხმარება მათ ისეთ სფეროებში, როგორიცაა განბაჟება, საწყობი და ლოგისტიკა - აღნიშნულია სტატიაში.
მაგრამ Amazon-ისგან განსხვავებით, რომელიც ამჟამად საკუთარი ბრენდის ბევრ პროდუქტს თავისივე პლატფორმაზე ყიდის, TikTok ამ ეტაპზე საკუთარი პროდუქციის გაყიდვას არ გეგმავს.
