Apple-სა და Amazon-ს აშშ-ს სასამართლოში ანტიმონოპოლიური სარჩელი ემუქრებათ. კომპანიებს iPhone-ისა და iPad-ების ფასების ხელოვნურად ზრდის შეთქმულება ედებათ ბრალად. ამის შესახებ Reuters-ი წერს.
სარჩელი, რომელიც 2022 წლის ნოემბერშია შეტანილია, ერთ-ერთი კერძო და საჯარო სარჩელიდანაა და ის Amazon-ის ფასებს აპროტესტებს.
თავისი გადაწყვეტილებით, აშშ-ს რაიონულმა მოსამართლემ ჯონ კაუგენურმა უარყო Apple-ისა და Amazon-ის წინადადებები მათ წინააღმდეგ კოლექტიური სარჩელის შეწყვეტის შესახებ სხვადასხვა სამართლებრივი საფუძვლით. ეს გადაწყვეტილება ნიშნავს, რომ საქმე გადავა მტკიცებულებების შეგროვებასა და სხვა წინასასამართლო წარმოებაზე.
მოსარჩელეთა ადვოკატმა სტივ ბერმანმა სასამართლოს გადაწყვეტილებას Apple-ის მომხმარებლების დიდი გამარჯვება უწოდა.
ასევე, ამერიკის შეერთებული შტატების მცხოვრებლებმა, რომლებმაც ახალი iPhone-ები და iPad-ები Amazon-ზე შეიძინეს, კოლექტიური სარჩელი შეიტანეს, სადაც ნათქვამია, რომ 2019 წლის შეთანხმება Amazon-სა და Apple-ს შორის შეზღუდავდა კონკურენტუნარიანი შუამავლების რაოდენობას და არღვევდა ანტიმონოპოლიურ რეგულაციებს.
სარჩელში ნათქვამია, რომ Apple დათანხმდა Amazon-ს ფასდაკლებას მის პროდუქტებზე, თუ Amazon-ი შეამცირებს Apple-ის გადამყიდველების რაოდენობას თავის ბაზარზე.
