ე.წ რუსული კანონის მოწინააღმდეგე აქციის მონაწილეები პარლამენტისა და სასტუმრო პარაგრაფის მიმდებარე ტერიტორიებიდან თავისუფლების მოედნის გავლით „ქართული ოცნების “ სათავო ოფისისკენ გაემართნენ.
ამ დროისთვის თავისუფლების მოედანზე ავტომობილების მოძრაობა შეზღდულია.
„უცხოური გავლენის გამჭვირვალობის შესახებ“ კანონპროექტის მოწინააღმდეგეები თბილისში, სასტუმრო „პარაგრაფთან“ მართავდნენ საპროტესტო აქციას, სადაც აზიის განვითარების ბანკის (ADB) 57-ე წლიური შეხვედრის ფარგლებში კონფერენცია იმართებოდა.
აქციის ორგანიზატორები აცხადებდნენ, რომ მათი მიზანია, კონფერენციის წევრებს მიაწოდონ ხმა და გააპროტესტონ „უცხოური გავლენის გამჭვირვალობის შესახებ“ კანონი.
