მთავრობაში საკადრო ცვლილებებია. პრემიერთან შეხვედრის შემდეგ პოსტი ჯანდაცვის მინისტრმა დატოვა. „კომერსანტის“ ინფორმაციით, ჯანდაცვის მინისტრის პორტფელი შესაძლოა არჩილ თალაკვაძემ ჩაიბაროს.
ბიოგრაფიული ლექსიკონის თანახმად, არჩილ თალაკვაძემ დაამთავრა თბილისის სახელმწიფო სამედიცინო უნივერსიტეტის მედიცინის ფაკულტეტი 2006 წელს; საქართველოს საზოგადოებრივ საქმეთა ინსტიტუტის (GIPA) საზოგადოებრივი ჯანდაცვის პოლიტიკის და მენეჯმენტის პროგრამა 2010 წელს; ლონდონის ეკონომიკის სკოლა (LSE), აღმასრულებელი მენეჯმენტის პროგრამა 2015 წელს.
2006-2007წწ. აშშ საერთაშორისო განვითარების სააგენტოს (USAID) ქალთა ჯანმრთელობის პროგრამა, პროექტის კოორდინატორი; 2007 წელს ფონდი "ღია საზოგადოება საქართველო", ადამიანის უფლებათა დაცვის მონიტორინგის პროექტის მენეჯერი; 2008-2009წწ. საქართველოს სახალხო დამცველის მრჩეველი; 2009-2011წწ. საქართველოს სახალხო დამცველის თანაშემწე მენეჯმენტის საკითხებში; 2011-2012წწ. აშშ საერთაშორისო განვითარების სააგენტოს (USAID) დემოკრატიული მმართველობის პროგრამა, დირექტორის მოადგილე; 2012-2014წწ. საქართველოს სასჯელაღსრულებისა და პრობაციის მინისტრის მოადგილე; 2014-2016წწ. საქართველოს შინაგან საქმეთა მინისტრის მოადგილე; 2016-2020წწ. საქართველოს მე-9 მოწვევი პარლამენტის წევრი, საარჩევნო ბლოკი: "ქართული ოცნება - დემოკრატიული საქართველო", საარჩევნო ფორმა: მაჟორიტარული №59 მაჟორიტარული საარჩევნო ოლქი; 2019 წლის 25 ივნისს აირჩიეს საქართველოს მე-9 მოწვევის პარლამენტის თავამჯდომარედ; 2020წ. საქართველოს მე-10 მოწვევის პარლამენტის წევრი, საარჩევნო ბლოკი: "ქართული ოცნება - დემოკრატიული საქართველო", საარჩევნო ფორმა: პარტიული სიით; 2020-2021წწ. საქართველოს მე-10 მოწვევის პარლამენტის თავმჯდომარე. 2021 წლის აპრილიდან პარლამენტის თავმჯდომარის მოადგილე.
