საქართველოს 2026 წლის ბიუჯეტის პირველადი ვერსიით 2026 წელს თბილისში სტადიონის მშენებლობისთვის გათვალისწინებული იყო 6.5 ათასი ლარის დახარჯვა იგეგმებოდა, 2027-2028 წლებში კი 240 – 240 ათასი ლარი იყო გათვალსიწინებული, 2029 წელს კი მთავრობა 189 500 ლარის დახარჯვას აპირებდა, თუმცა, ეს პროექტი 2026 წლის ბიუჯეტის საბოლოო ვერსიიდან, რომელიც რომელიც მთავრობამ პარლამენტს წარუდგინა, ამოღებულია.
25 ნოემბერს თბილისში ახალი სტადიონის მშენებლობის 876-მილიონიანი ტენდერი შეწყდა. მუნიციპალური განვითარების ფონდმა განაცხადა, რომ იგეგმებოდა სატენდერო პირობების გადახედვა.
„მილიარდი ლარის ღირებულების საფეხბურთო სტადიონი არ აშენდება, მთავრობას ამ მშენებლობისთვის საჭირო თანხები არა აქვს“, - ასე ეხმაურება 2026 წლის ბიუჯეტის კორექტირებული ვერსიიდან თბილისის ახალი სტადიონის მშენებლობის პროექტის ამოღების საკითხს ეროვნული ბანკის ყოფილი პრეზიდენტი რომან გოცირიძე.
მისი თქმით, "ოცნების" მთავრობამ უნდა დაასაბუთოს, ის რაც კარგი იყო ერთი კვირის წინ, რატომ გახდა მიუღებელი რამდენიმე დღის შემდეგ.
„მილიარდი ლარის ღირებულების საფეხბურთო სტადიონი არ აშენდება. წლევანდელი ბიუჯეტის პროექტიდან მისთვის განკუთვნილი ფული ამოღებულია. მთავრობას ამ მშენებლობისთვის საჭირო თანხები არა აქვს. გული კი სწყდებათ, ფულის მოპარვის კარგი წყარო იყო, მაგრამ სადაა ფული?
მცირეოდენ ალბათ საზოგადოებრივმა აზრმა და კრიტიკამაც იმოქმედა.
ახლა ოცნების მთავრობამ უნდა დაასაბუთოს, ის რაც კარგი იყო ერთი კვირის წინ, რატომ გახდა მიუღებელი რამდენიმე დღის შემდეგ? ვინ უნდა აგოს პასუხი მილიარდის გაფლანგვის მცდელობაზე?“, - წერს რომან გოცირიძე სოციალურ ქსელში.
