საქართველოში ყველაზე მაღალი ხელფასი ინფორმაცია-კომუნიკაციის სექტორში დასაქმებულებს აქვთ. საქსტატის საწარმოთა საქმიანობის 2024 წლის ანგარიშის მიხედვით, ამ საქმიანობით დაკავებულების საშუალო თვიური ხელფასი 4 ათას ლარს აჭარბებდა. ამავე ანგარიშის მიხედვით, ყველაზე დაბალი ხელფასი ტრანსპორტისა და დასაწყობების საქმიანობით დაკავებულ ორგანიზაციებში იყო.
საშუალო თვიური ხელფასი ეკონომიკური საქმიანობის სახეების მიხედვით ასე გამოიყურება:
- სოფლის, სატყეო და თევზის მეურნეობა - 1284.5 ლარი
- სამთო მოპოვებითი მრეწველობა და კარიერების დამუშავება - 2324.9
- დამამუშავებელი მრეწველობა - 1875.9 ლარი
- ელექტროენერგიის, აირის, ორთქლის და კონდიცირებული ჰაერის მიწოდება - 2304.7 ლარი
- წყალმომარაგება; კანალიზაცია, ნარჩენების მართვა და დაბინძურებისაგან გასუფთავების საქმიანობები - 1619.4 ლარი
- მშენებლობა - 2669.5 ლარი
- საბითუმო და საცალო ვაჭრობა; ავტომობილების და მოტოციკლების რემონტი - 1711.0 ლარი
- ტრანსპორტი და დასაწყობება - 1500.5 ლარი
- ინფორმაცია და კომუნიკაცია - 4007.2 ლარი
- უძრავ ქონებასთან დაკავშირებული საქმიანობები - 1865.6 ლარი
- პროფესიული, სამეცნიერო და ტექნიკური საქმიანობები - 3147.4 ლარი
- ადმინისტრაციული და დამხმარე მომსახურების საქმიანობები - 1602.2 ლარი
- განათლება - 1680.8 ლარი
- ჯანდაცვა და სოციალური მომსახურების საქმიანობები - 1627.6 ლარი
- ხელოვნება, გართობა და დასვენება - 2692.0 ლარი
ამასთან, საქსტატის მონაცემებით, 2024 წელს, ბიზნეს სექტორში დაქირავებით დასაქმებულთა საშუალო თვიური ხელფასი 2024.4 ლარს გაუტოლდა (2023 წლის მაჩვენებელთან შედარებით გაზრდილია 197.2 ლარით), ხოლო მათ შორის ქალების ხელფასმა 1 601.4 ლარი შეადგინა (2023 წლის მაჩვენებელთან შედარებით გაზრდილია 156.2 ლარით).
საწარმოთა ზომის მიხედვით საშუალო თვიური ხელფასი კი შემდეგნაირია:
- მსხვილი ბიზნესი – 2 297.4 ლარი;
- საშუალო ზომის ბიზნესი – 2 443.8 ლარი;
- მცირე ბიზნესი – 1 437.5 ლარი.
