“საერთაშორისო გამჭვირვალობა საქართველომ” პოლიტიკური შემოწირულებების კვარტალური საინფორმაციო ბიულეტენი გამოაქვეყნა, რომლის თანახმადაც 2023 წლის მე-4 კვარტალში „ქართული ოცნების“ მიერ მიღებული შემოწირულებების რაოდენობა მკვეთრად გაიზარდა და თითქმის 9,5 მილიონი ლარი შეადგინა, რაც ყველა პარტიის მიერ მიღებული შემოწირულების 93%-ია.
TI-ის თანახმად, 2023 წლის IV კვარტალში ყველა პარტიამ ჯამში 10 163 787 ლარის შემოწირულება მიიღო, საიდანაც ოპოზიციურ პარტიებზე 700 000 ლარი ნაწილდება, შესაბამისად „ქართულმა ოცნების“ მიერ მიღებული შემოწირულება 13-ჯერ მეტია ვიდრე სხვა ყველა პარტიის ერთად აღებული.
2023 წლის 1 ოქტომბრიდან 31 დეკემბრის ჩათვლით პარტიების მიერ მიღებული შემოწირულობები შემდეგნაირად გამოიყურება:
“ქართული ოცნება - დემოკრატიული საქართველო” - 9 464 000₾
“ლელო საქართველოსთვის” - 330 305₾
“ერთიანი ნაციონალური მოძრაობა” - 241 091₾
“თაობები საქართველოსთვის” - 101 789₾
“საქართველოსთვის” - 7 665₾
“ევროპელი სოციალისტები” - 5 450₾
“ხალხისთვის” - 5 300₾
“კონსერვატიული მოძრაობა” - 2 875₾
“ელენე ხოშტარია - დროა” - 2 504₾
“საქართველოს ლეიბორისტული პარტია” - 2 371₾
“ევროპული საქართველო - მოძრაობა თავისუფლებისთვის” - 438₾
