საქართველოს ეროვნული ბანკის პრეზიდენტის მოვალეობის შემსრულებელი ნათია თურნავა, ფინანსთა მინისტრ ლაშა ხუციშვილთან ერთად საერთაშორისო სავალუტო ფონდის მმართველი დირექტორის მოადგილეს, ბო ლის შეხვდა.
შეხვედრაზე საუბარი შეეხო მიმდინარე გლობალურ და რეგიონულ გამოწვევებს. მხარეებმა ასევე იმსჯელეს საერთაშორისო სავალუტო ფონდთან თანამშრომლობის მნიშვნელოვან საკითხებზე.
საუბრისას ხაზი გაესვა საქართველოს ეკონომიკის ძლიერ მხარეებს, ეროვნული ბანკისა და მთავრობის კოორდინირებული მოქმედებებით განპირობებულ მიღწევებს, როგორც მდგრადი ფისკალური ბალანსის, ისე ფასების სტაბილურობის შენარჩუნების თვალსაზრისით.
როგორც შეხვედრაზე ნათია თურნავამ აღნიშნა, საერთაშორისო რეზერვების დაგროვება და ოპტიმალურ დონეზე შენარჩუნება კვლავ პრიორიტეტულია. ასევე, სებ-ის პრეზიდენტის მოვალეობის შემსრულებელმა ხაზგასმით აღნიშნა დედოლარიზაციის პროცესის გაგრძელების აუცილებლობა, რასაც ეროვნული ბანკის ბოლოდროინდელი გადაწყვეტილებებიც ემსახურება.
სსფ-ის მმართველი დირექტორის მოადგილემ სავალუტო ფონდის სახელით მზადყოფნა გამოთქვა დაეხმაროს საქართველოს შემდგომი რეფორმების განხორციელებაში. მან ასევე დადებითად შეაფასა საქართველოში მიღწეული მაკროეკონომიკური და ფინანსური სტაბილურობა, დაბალი ინფლაცია, გაუმჯობესებული მიმდინარე ანგარიშის ბალანსი და გატარებული რეფორმები.
შეხვედრას ასევე ესწრებოდნენ საქართველოს ეროვნული ბანკის ვიცე-პრეზიდენტი ეკატერინე მიქაბაძე, ფინანსთა მინისტრის პირველი მოადგილე გიორგი კაკაურიძე, მინისტრის მოადგილეები ეკატერინე გუნცაძე და მირზა გელაშვილი, ეკონომიკისა და მდგრადი განვითარების მინისტრის მოადგილე ვახტანგ ცინცაძე.
ნათია თურნავა საერთაშორისო სავალუტო ფონდის მმართველი დირექტორის მოადგილეს, ბო ლის შეხვდა
სომხეთ-აზერბაიჯანის საზღვარზე 35 ბოძი აღმართეს - დაგეგმილი სამუშაოების ნახევარზე მეტი შესრულდა
„გუშინ ჩვენ დავინახეთ, რომ პრაქტიკულად რეფერენდუმი ჩატარდა საქართველოში და საზოგადოებამ აირჩია გამჭვირვალობა“ - გურამ მაჭარაშვილი
პარლამენტის პლენარულ სხდომაზე დღეს „რუსულ კანონს" მეორე მოსმენით განიხილავენ
„იმედია, რევოლუციის შიში „ოცნებას“ უარს ათქმევინებს არჩევნების გაყალბებაზე“- კახა ოქრიაშვილი
„იმის ქადაგება დღეს, რომ მტერი მტერი არაა და მოყვარე და მოკავშირე, მოკავშირე არაა, იგივეა, რაც იმის უარყოფა, რომ დედა დედაა და მამა მამაა“ - პრეზიდენტი
აშშ-ში ოთხი პოლიციელი მოკლეს
1714467600