Galt&Taggart-ის პროგნოზით, ეროვნული ბანკი სექტემბერში რეფინანსირების განაკვეთს უცვლელად, 8%-ზე დატოვებს. როგორც საინვესტიციო ბანკის კვლევების დეპარტამენტის ხელმძღვანელი, ევა ბოჭორიშვილი "საქმიან დილაში" აცხადებს, არსებობს საჭიროება, რომ მონეტარული პოლიტიკა სებ-მა წლის ბოლომდე უცვლელად შეინარჩუნოს.
"ჩვენი პროგნოზით, წლის ბოლომდე რეფინანსირების განაკვეთი 8%-ის ფარგლებში უნდა შენარჩუნდეს. მეორე მხრივ, ქვეყანაში ხელფასების ზრდის ტემპი გრძელდება, საგარეო ბაზრებზე კი სხვადასხვა პროდუქტის ფასი მერყევია, რაზეც საქართველოა დამოკიდებული. ამიტომ ვფიქრობთ, რომ არის საჭიროება, განაკვეთი 8%-ის ფარგლებში დარჩეს, თუმცა არაფერია გამორიცხული, შესაძლოა სებ-მა განსხვავებულად შეაფასოს ვითარება", - ამბობს ევა ბოჭორიშვილი.
ცნობისთვის, სებ-ის მონეტარული პოლიტიკის კომიტეტი სხდომას ხვალ, 11 სექტემბერს გამართავს.
bm.ge
