2023 წელს ეკონომიკური და სამეწარმეო დანაშაულის მაჩვენებელი გაიზარდა. შინაგან საქმეთა სამინისტროს მონაცემებით, მთლიანად დანაშაულის მაჩვენებელი 2023 წელს 2022 წელთან შედარებით, 15.52 %-ით არის გაზრდილი.
საანგარიშო პერიოდში, სამეწარმეო ან სხვა ეკონომიკური საქმიანობის წინააღმდეგ 670 დანაშაული იქნა დარეგისტრირებული, აქედან გახსნილი კი 437-ია, ანუ გახსნის მაჩვენებელია 65.22%.
სტატისტიკის მიხედვით, ყველაზე მეტად - 400%-ით გაიზარდა ცრუ მეწარმეობა. მეორე ადგილზეა ბუღალტრული აღრიცხვის წესის დარღვევა, აქ ზრდა 300%-ია, სამეულშია სახელმწიფო შესყიდვებში მონაწილეობის წესის დარღვევა, ამ შემთხვევაში დანაშაულმა 200%-ით მოიმატა.
დანაშაულის სხვა შემთხვევები
- უკანონო სამეწარმეო საქმიანობა - 52,27%-ით გაიზარდა
- უკანონო შემოსავლის ლეგალიზაცია (ფულის გათეთრება) - 17,71%-ით გაიზარდა
- სასაქონლო (მომსახურების) ნიშნის ან სხვა კომერციული აღნიშვნის მართლსაწინააღმდეგო გამოყენება - 20%-ით გაიზარდა
- ფალსიფიკაცია - 36,84%-ით შემცირდა
- ფალსიფიცირებული ნივთის უკანონო გადაზიდვა ან გასაღება - 200%-ით გაიზარდა
- მარკირებას დაქვემდებარებული აქციზური საქონლის აქციზური მარკის გარეშე გამოშვება, შენახვა, რეალიზაცია ან გადაზიდვა - 5,31%-ით გაიზარდა
- აქციზური მარკების მეორადი გამოყენების მიზნით გასაღება, შეძენა და გამოყენება ან/და მათი სხვა პირისათვის გადაცემა - 100%-ით გაიზარდა
- ინსაიდერული ინფორმაციის, კომერციული ან საბანკო საიდუმლოების შემცველი ინფორმაციის უკანონოდ შეგროვება, გადაცემა, გახმაურება ან გამოყენება - 66,67%-ით შემცირდა
- ქონების გადამალვა მოჩვენებითი ან/და თვალთმაქცური გარიგებით - 40%-ით გაიზარდა
- ცოცხალი გენმოდიფიცირებული ორგანიზმების იმპორტი ან/და რეექსპორტი - 100%-ით შემცირდა
