2024 წლის ივლისში, წინა წლის ანალოგიურ პერიოდთან შედარებით, კომერციული ბანკების მიმართ პრეტენზიები გაიზარდა.
ეროვნული ბანკის მონაცემებით, წელს ივლისში ბანკების მიმართ მომხმარებლებმა 2 596 საჩივარი დაწერეს, მაშინ როცა 2023 წლის იგივე პერიოდში ეს მაჩვენებელი - 1 767 იყო.
2024 წლის ივლისში დაფიქსირებული პრეტენზიებიდან, ყველაზე მეტი მიმდინარე ანგარიშებზე, სამომხმარებლო სესხებსა და საკრედიტო ბარათებთან დაკავშირებით დაფიქსირდა.
პროდუქტების მიხედვით საჩივრების ხუთეული ასე გამოიყურება:
- მიმდინარე ანგარიში/სადებეტო ბარათი - 1 595 განაცხადი;
- სამომხმარებლო სესხი - 331 განაცხადი;
- საკრედიტო ბარათი - 123 განაცხადი;
- ინტერნეტბანკი – 65 განაცხადი;
- ბიზნეს სესხი - 56 განაცხადი.
პრეტენზიების შინაარსის მიხედვით, საანგარიშო პერიოდში შესული საჩივრებიდან ყველაზე მეტი განაცხადი - 1 449 ტრანზაქციებზე მოდის, შემდეგია ადმინისტრაცია/მომსახურება - 495 საჩივრით, მე-3 ადგილზეა ხელშეკრულების პირობებთან დაკავშირებულ პრეტენზიები - 247 განაცხადით.
