2024 წლის პირველ სამ კვარტალში საქართველომ რუსეთისგან იმაზე მეტი მოცულობის გაზი იყიდა, რამდენიც ბოლო 15 წლის განმავლობაში ერთად, - ამის შესახებ ინფორმაციას rbc.ru ავრცელებს.
როგორც გამოცემა წერს, ოფიციალური თბილისის განმარტებით, რუსეთიდან გაზს ყიდულობს „მხოლოდ მინიმალური საჭირო მოცულობით“. საქართველოსთვის გაზის მთავარი მიმწოდებელი კი ბაქოა.
სტატიის მიხედვით, 2024 წლის იანვარ-სექტემბერში საქართველომ 90,1 მილიონი დოლარის რუსული გაზი შემოიტანა, რაც 6,5%-ით მეტია გასული წლის ანალოგიურ მაჩვენებელზე, - ნათქვამია საქართველოს სტატისტიკური სამსახურის მონაცემებში, როგორც "რია ნოვოსტი" აღნიშნავს.
გასული წლის განმავლობაში საქართველომ რუსეთიდან 486 ათასი ტონა გაზი შემოიტანა, რაც 16,54%-ით (69 ათასი ტონა) მეტია 2022 წლის მაჩვენებელზე. იმპორტის ღირებულებამ 110 მილიონი დოლარი შეადგინა, რაც 18%-ით (19 მილიონი დოლარით) მეტია 2022 წელთან შედარებით. მთლიანობაში საქართველომ 2023 წელს 2,25 მლნ ტონა გაზი იყიდა, მთავარი მიმწოდებელი აზერბაიჯანი იყო (78,47%), მეორე ადგილზე რუსეთი 21,53%-ით, ხოლო მესამეზე ირანი უმნიშვნელო წილით - 0,0033%.
რუსეთიდან გაზის იმპორტის გაზრდილ მოცულობაზე კომენტირებისას, საქართველოს ეკონომიკის სამინისტრომ განმარტა, რომ ტენდენცია დაკავშირებულია ქვეყანაში გაზზე მოთხოვნის (მოხმარების) ზრდასთან. ქართული მხარის განმარტებით, აზერბაიჯანიდან იმდენი საწვავი შემოდის, რამდენადაც ტექნიკური და სამართლებრივი პირობები იძლევა საშუალებას.
„რუსეთიდან გაზი შემოდის მხოლოდ მინიმალური საჭირო მოცულობით და ძირითადად გამოიყენება გაზის ინდუსტრიის შესავსებად და ბალანსის შესანარჩუნებლად, ძირითადად ზამთარში, როდესაც მოხმარება მაქსიმალურია“, - ხაზგასმით აღნიშნავენ სამინისტროში.
რუსეთი საქართველოს გაზს აწვდის ჩრდილოეთ-სამხრეთის მაგისტრალური მილსადენით, რომელიც ასევე აწვდის საწვავს სომხეთს. 2015 წლამდე საქართველო იღებდა სომხეთის მიწოდების მთლიანი მოცულობის 10%-ს მისი ტერიტორიის გავლით ტრანზიტისთვის, მაგრამ მას შემდეგ რესპუბლიკამ თანხა მიიღო, თუმცა რამდენი, არ საჯაროვდება.
