2024 წლის იანვარ-ნოემბერში საქართველომ უცხოეთში $6 მილიარდი დოლარის ღირებულების საქონლის ექსპორტი განახორციელა, რაც წინა წლის ანალოგიურ პერიოდთან შედარებით 7.9%-ით არის გაზრდილი.
„საქსტატის“ ინფორმაციით, წელსაც საქართველოს საგარეო ვაჭრობაში #1 პოზიცია მსუბუქი ავტომობილებს უკავია $2.2 მილიარდი დოლარით, რაც წლიურად 14%-ით არის გაზრდილი. ექსპორტში მეორე ადგილზეა ფეროშენადნობები $316 მილიონით, რაც წლიურად 113%-ით გაიზარდა და ამ სექტორში შედარებით გააქტიურებაზე მეტყველებს. მესამე ადგილს კი სპირტიანი სასმელები იკავებს $270 მილიონი დოლარით.
საქართველოს 10 მთავარი საექსპორტო საქონელი 2024 წლის იანვარ-ნოემბერში ასე ნაწილდება:
- მსუბუქი ავტომობილების რეექსპორტი - $2.2 მილიარდი დოლარი, ზრდა წინა წელთან 14%;
- ფეროშენადნობები - $316 მილიონი, ზრდა წინა წელთან 113%
- სპირტიანი სასმელები - $270 მილიონი, ზრდა წინა წელთან 53%;
- ღვინის ექსპორტი - $262 მილიონი, ზრდა წინა წელთან 9.2%;
- ძვირფასი ლითონების მადნები და კონცენტრატები - $212 მილიონი, ზრდა წინა წელთან 288%;
- მინერალური და მტკნარი წყლები - $153 მილიონი, ზრდა წინა წელთან 26%;
- გაზირებული შაქრიანი სასმელები - $129 მილიონი, ზრდა წინა წელთან 24%;
- მედიკამენტები - $110 მილიონი, ზრდა წინა წელთან 1%;
- აზოტოვანი სასუქები - $103 მილიონი, კლება წინა წელთან 29%;
- ოქრო დაუმუშავებელი - $96 მილიონი, ზრდა წინა წელთან 20%.
სხვა დანარჩენი დასახელების საქონელი - 2.1 მილიარდი დოლარი, კლება წინა წელთან 12%.
