რეგიონში, სომხეთის შემდეგ, ყველაზე მაღალი საშუალო თვიური ხელფასი საქართველოშია, - ამას CEOWORLD Magazine-ის 2024 წლის რეიტინგი მოწმობს, რომლის მიხედვითაც საქართველო საშუალო თვიური ხელფასის ოდენობით 196 ქვეყანას შორის 93-ე ადგილზეა.
გამოცემის მონაცემებით, საქართველოში საშუალო თვიური მთლიანი ხელფასი $534-ს შეადგენს და ამ მონაცემით სამხრეთ კავკასიაში მეორე ადგილზეა სომხეთის შემდეგ, რომელიც რეიტინგში 92-ეა და საშუალო თვიური მთლიანი ხელფასი $541. აზერბაიჯანი 494 დოლარით 99-ე ადგილზეა.
რაც შეეხება მეზობელ ქვეყნებს, ხელფასის ოდენობით სამხრეთ კავკასიის სამივე ქვეყანა მხოლოდ თურქეთს უსწრებს, რომელიც 124-ე ადგილზეა. თურქეთში მთლიანი საშუალო თვიური ხელფასი $314-ია.
რუსეთი რეგიონში ლიდერია, სადაც დსთ-ის ქვეყნებს შორის ყველაზე მაღალი ხელფასია. რუსეთში საშუალო თვიური მთლიანი ხელფასი $2,159-ია და რეიტინგში 34-ე ადგილზეა.
მსოფლიოში ყველაზე მაღალი ხელფასი -- $8,111 შვეიცარიაშია. პირველ სამეულშია - ლუქსემბურგი ($6 633) და აშშ ($6 455).
ყველაზე მაღალი საშუალო თვიური ხელფასის მქონე ქვეყნების 2024 წლის ტოპ 10-ეული ასეთია:
შვეიცარია - $8 111
ლუქსემბურგი - $6 633
აშშ - $6 455
ისლანდია - $6 441
ნორვეგია - $5 665
დანია - $5 642
კანადა - $5 081
გრენლანდია - $4 665
ირლანდია - $4 622
ნიდერლანდები - $4 581
რეიტინგის მიხედვით, ყველაზე დაბალი ხელფასი ლესოტოში ($24 ), ანგოლასა ($27) და მალავიშია ($31).
წყარო: bpn.ge
