საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში, საქართველოს ეროვნული ბანკის პრეზიდენტის მოვალეობის შემსრულებელი ნათია თურნავა და ფინანსთა მინისტრი ლაშა ხუციშვილი IFC-ის ვიცე-პრეზიდენტს შეხვდნენ.
საუბარი შეეხო ქვეყანაში ტურიზმის სწრაფ და მნიშვნელოვან ზრდას. ასევე, მშენებლობისა და IT სექტორებში უპრეცედენტოდ მაღალ მაჩვენებლებს. აღინიშნა, რომ ეს უკანასკნელი ქართულ ბაზარზე სწრაფად მზარდ მიმართულებას წარმოადგენს. IT სექტორი წარმატებით იზიდავს ინვესტორებს და ბიზნეს სამყაროს ყურადღებას იპყრობს. ამასთანავე შეხვედრაზე საუბარი შეეხო ქვეყანაში მიმდინარე მსხვილ ინფრასტრუქტურულ პროექტებს.
მხარეებმა მიმოიხილეს უზრუნველყოფილი ობლიგაციების ბაზრის მიმდინარე სტატუსი და ისაუბრეს ამ მხრივ დაგეგმილ მომდევნო ნაბიჯებზეც.
საუბარი ასევე შეეხო მწვანე დაფინანსების სფეროში არსებულ სიახლეებს და სამომავლო გეგმებს.
IFC-ის ვიცე-პრეზიდენტმა ალფონსო გარსია მორამ ქართულ დელეგაციის წევრებს შემდგომი დახმარების მზადყოფნა აღუთქვა.
IFC-ის ვიცე-პრეზიდენტთან შეხვედრას სებ-ის ვიცე-პრეზიდენტი ეკატერინე მიქაბაძე, ფინანსთა მინისტრის მოადგილეები ეკატერინე გუნცაძე და მირზა გელაშვილი ესწრებოდნენ.
ნათია თურნავა IFC-ის ვიცე-პრეზიდენტს ალფონსო გარსია მორას შეხვდა

ცეცხლსასროლი იარაღი რეგისტრირებულია მის სახელზე, თუმცა ტარების უფლება არ ჰქონდა - შსს გიორგი რამიშვილის დაკავებაზე
დაკავებულია ბიზნესმენი გიორგი რამიშვილი
თბილისი "არ ამბობს უარს მრავალვექტორულ საგარეო პოლიტიკაზე" და 3+3 ფორმატში საქართველოსთვის კარი ღია რჩება - მასიუკი
ევროპის ხუთი ქვეყანა რუსეთისგან დასაცავად საზღვარზე ე.წ. დანაღმულ სარტყელს ქმნის
„საქართველომ გაფლანგა დრო 2023 წლის დეკემბრიდან დღემდე“ - გერმანიის ელჩი