,,ორგანიზებულ ბაზარზე მძაფრი კონკურენცია შეინიშნება, რაც მცირე დროში ცვალებადი ბაზრის წილებით დასტურდება",- ვკითხულობთ „თიბისი კაპიტალის“ მიერ სწრაფად ბრუნვადი სამომხმარებლო პროდუქციით ვაჭრობის სექტორის (FMCG) განახლებული მიმოხილვაში.

სწრაფად ბრუნვადი სამომხმარებლო პროდუქციის 9-თვიან მიმოხილვაში ჩანს, საქართველოში FMCG ბაზარი ზრდას რეგიონული გაფართოების ფონზე ახერხებს. ორგანიზებული FMCG ბაზრის შემოსავლების გადანაწილება თბილისსა და რეგიონებს შორის ბოლო მონაცემებით ასეთია: თბილისი- 61.4%; რეგიონები- 37.6%.

ამ ყველაფერზე რეგიონებში ახალი მაღაზიების გაზრდილი ტენდენციაც მოწმობს, 2024 წლის მაისი თვეში, რეგიონებში FMCG სექტორს 1,456 მაღაზიათა ქსელი გაიხსნა, რაც 35%-იანი მატებაა.

კვლევის შედეგად ასევე გამოიკვეთა, რომ საცალო ვაჭრობის სექტორის 50%-ზე მეტი ბაზრის ოთხ მოთამაშეზე მოდის:

  • დეილი ჯგუფი - („სპარი“ – 12%, „მაგნიტი - 10.4%, „დეილი - 5.3%, „გვირილა“ – 3.4%) – 31.1%;
  • ნიკორა - 19.4%;
  • 2 ნაბიჯი - 18.8%;
  • კარფური - 11.1%;
  • აგროჰაბი - 4.4%;
  • გუდვილი - 4.0%;
  • უნივერსამი -2.8%;
  • ფრესკო -2.1%;
  • ექსპრესი - 1.5%;
  • ზღაპარი - 1.4%;
  • მადაგონი - 1.4%;
  • ევროპროდუქტი - 1.1%;
  • სმარტი - 0.8%.