ლილოს ბაზრობაზე საახალწლო პიროტექნიკით მოვაჭრე მაღაზიები და საწყობები დალუქეს.  ,,კომერსანტი’’ დაინტერესდა, შემოსავლების სამსახურიდან ან რომელიმე უწყებიდან მიაკითხეს თუ არა სავაჭრო ცენტრებში განთავსებულ მაღაზიებს, სადაც პიროტექნიკა იყიდება. ჩვენ ფოიერვერკები და სადღესასწაულო აქსესუარებით მოვაჭრე მაღაზიას ,,ბალუნ ბარს’’ დავუკავშირდით და ვკითხეთ, მათაც ხომ არ ემუქრებათ დალუქვა. ცხელ ხაზზე განგვიცხადეს, რომ მათ მაღაზიაში აქციებზე გამოყენებული პიროტექნიკა აღარ იყიდება, რადგან მათ ამ პროდუქციის ამოღება მოსთხოვეს. პირს, რომელსაც ჩვენ ვესაუბრეთ ვკითხეთ, რომელი უწყებიდან იყო მსგავსი მითითება, რაზეც რესპონდენტმა გვიპასუხა, რომ კონკრეტულ უწყებას ვერ დაასახელებდა.