Galt & Taggart-ის 2023 წლის ლუდის ბაზრდის კვლევის მიხედვით, ექსპორტზე ლუდის ჯამური წარმოების მხოლოდ 4% გადის, მოთხოვნა გაზრდილია ყაზახეთიდან და დსთ-ს სხვა ქვეყნებიდან.

2023 წელს საქართველოში წარმოებული ლუდი 28 ქვეყანაში გავიდა. ორგანიზაციის პროგნოზით, წლის ბოლომდე ექსპორტი სავარაუდოდ $8.5 მლნ მიაღწევს.

„2022 წლის მე-4 კვარტალში საქართველოდან მნიშვნელოვნად გაიზარდა ლუდის ექსპორტი ყაზახეთში, ყირგიზეთსა და დსთ-ს სხვა ქვეყნებში.

ამ ქვეყნებში ლუდს ძირითადად რუსეთიდან ყიდულობდნენ, 2022 წლიდან რუსეთი ჩანაცვლდა ქართული წარმოების საერთაშორისო ბრენდებით,“ - ნათქვამია კვლევაში.

ლუდის ექსპორტი ქვეყნების მიხედვით (აშშ დოლარი) 2023 წლის 11 თვის მონაცემებით ასე ნაწილდება: 

  • ყაზახეთი - 40.6%;
  • რუსეთი - 12.8%;
  • სომხეთი - 8.9%;
  • ჩინეთი - 6.1%;
  • აზერბაიჯანი - 5.9%;
  • ყირგიზეთი - 5.2%;
  • სხვები - 20.5%.