2025 წლის 10 თებერვლიდან 15 მარტის ჩათვლით ქოლგა თბილისი ფოტოს ფარგლებში მიმდინარეობს მასშტაბური, საერთაშორისო ფოტოკონკურსი „ქოლგა“. ფოტო კონკურსის გამარჯვებულებს ტრადიციულად საერთაშორისო ჟიური გამოავლენს.
2025 წლის ნომინაციებია:
- დოკუმენტური სერია
- რეპორტაჟი
- კონცეპტუალური ფოტოპროექტი
- საუკეთესო ერთი კადრი/Single Image/
- მობილური ფოტო
კონცეპტუალურ სერიაში ასევე დაშვებულია ხელოვნური ინტელექტის გამოყენებით შექმნილი პროექტების მონაწილეობაც.
ჟიურის წევრები არიან:
- ნაიჯელ დიკინსონი /დიდი ბრიტანეთი/
- თინა შელჰორნი /გერმანია/
- ვოლფგანგ ცურბორნი /გერმანია/
- რიჩარდ ბრამი /აშშ/
- დინა ოგანოვა /საქართველო/
- ვინს ჩიანი /აშშ/
საპრიზო ფონდი 6000 დოლარი, პირველ სამ ნომინაციაში გამარჯვებულებს თითოეულს 1500-1500 დოლარი გადაეცემათ. საუკეთესო ერთი კადრის ნომინაციაში გამარჯვებულს 1000, ხოლო მობილური ფოტო ნომინაციაში გამარჯვებულს - 500 დოლარი.
"ქოლგა თბილისი ფოტო" 2025 წლის გამარჯვებულები გამოცხადდებიან 2025 წლის 2 მაისს.
"ქოლგა თბილისი ფოტო" 2 მაისიდან უმასპინძლებს ადგილობრივ და საერთაშორისო გამოფენებს.
