მნიშვნელოვანი დღეებია, ბევრი რამ შეიძლება, შეიცვალოს, – ამის შესახებ უკრაინის პრეზიდენტმა, ვოლოდიმირ ზელენსკიმ ნატო-ს გენერალურ მდივანთან, მარკ რუტესთან საუბრის შემდეგ განაცხადა.
„მე ვესაუბრე ნატო-ს გენერალურ მდივანს, მარკ რუტეს. ჩვენ გავაგრძელებთ საუბარს მომდევნო დღეებშიც. ეს მნიშვნელოვანი დღეებია და ბევრი რამ შეიძლება, შეიცვალოს. ჩვენ მჭიდროდ ვთანამშრომლობთ და ჩვენი ერთობლივი ძალისხმევის, ჩვენი ყველა პარტნიორის ძალისხმევის წყალობით, სწორედ ჩვენი ერთობლივი ზომები და საერთო პოზიციები იქნება უაღრესად ეფექტური. მარკ, გმადლობთ მხარდაჭერისთვის!“, – წერს ვოლოდიმირ ზელენსკი სოციალურ ქსელში.
ამასთან, უკრაინის პრეზიდენტმა აღნიშნა, რომ სატელეფონო საუბარი ევროკომისიის პრეზიდენტთან, ურსულა ფონ დერ ლაიენთანაც გამართა, რომელთანაც, მისი თქმით, მჭიდროდ თანამშრომლობს.
