უკრაინისადმი ამერიკის შეერთებული შტატების მიერ გაწეული სამხედრო დახმარება ფრონტის ხაზზე ვითარებას ვერ შეცვლის.ამის შესახებ დიმიტრი პესკოვმა განაცხადა.
„უკრაინამ არა მხოლოდ უნდა იბრძოლოს ამერიკისთვის მოგების უზრუნველსაყოფად, არამედ უნდა იბრძოლოს ბოლო უკრაინელამდე და ვალებით დატვირთულმა. ეს ამერიკის შეერთებული შტატების საყვარელი კოლონიური პოლიტიკაა“, – განაცხადა პესკოვმა.
პესკოვის თქმით, ფრონტის ხაზზე უკრაინული ძალები არასახარბიელო მდგომარეობაში არიან. მისივე შეფასებით, ასეთი დახმარება კოლონიალური პოლიტიკის ნაწილია, რამაც შეერთებული შტატები გაამდიდრა.
მან ასევე დასძინა, რომ შეთავაზებული დახმარების ძალიან მნიშვნელოვანი ნაწილი აშშ-ის სამხედრო-სამრეწველო კომპლექსში დარჩება.
