კონგოს დემოკრატიული რესპუბლიკისა და რუანდის პრეზიდენტები მომავალ კვირას ვაშინგტონში გაემგზავრებიან სამშვიდობო შეთანხმების ხელმოსაწერად. ინფორმაციას ამის შესახებ „როიტერი“ ავრცელებს.
როგორც მედია დიპლომატიურ წყაროებზე დაყრდნობით წერს, კონგოს დემოკრატიული რესპუბლიკისა და რუანდის პრეზიდენტები დონალდ ტრამპთან შეხვედრას 4 დეკემბერს თეთრ სახლში გამართავენ.
მედიის ცნობით, აშშ ცდილობს ომის შედეგად დაზარალებულ აღმოსავლეთ კონგოში მშვიდობის დამყარებას და რეგიონში დასავლური სამთო ინვესტიციების მოზიდვას.
თეთრი სახლის წარმომადგენელმა გასულ კვირას „როიტერს“ განუცხადეს, რომ ტრამპის ადმინისტრაცია აგრძელებს ორივე მხარესთან თანამშრომლობას და მოუთმენლად ელის მათ თეთრ სახლში მიღებას.
ცნობისთვის, რუანდის მიერ მხარდაჭერილმა მეამბოხე დაჯგუფებამ წელს აღმოსავლეთ კონგოში შეტევა წამოიწყო და რეგიონის ორი დიდი ქალაქი დაიპყრო. დაპირისპირებას ასობით ადამიანი ემსხვერპლა, ათასობით კი იძულებით გადაადგილებული პირი გახდა.
