Economist/YouGov-ის გამოკითხვის მიხედვით, გამოკითხულთა 55% დონალდ ტრამპის პრეზიდენტობით უკმაყოფილოა, ხოლო 41% მის საქმიანობას დადებითად აფასებს.
ამის შესახებ გამოცემა „ჰილი“ წერს.
როგორც გამოცემა წერს, ანალოგიური კვლევა ჩატარდა დონალდ ტრამპის მეორე ვადის დასაწყისში, მაშინ აშშ-ის პრეზიდენტს დადებითად აფასებდა გამოკითხულთა 49%, ხოლო 42% – უარყოფითად.
ამასთან, რესპუბლიკელებს შორის პრეზიდენტის მიმართ დამოკიდებულება თითქმის არ შეცვლილა, მისი ვადის დასაწყისში ტრამპის პრეზიდენტობას 94% დადებითად აფასებდა, ამჟამად ეს მაჩვენებელი 92%-ია.
გამოკითხვაში მონაწილეობა 1580-მა ადამიანმა მიიღო, შესაძლო ცდომილება 3,4%-ია.
