„ბლუმბერგი“ იუწყება, რომ შეერთებულმა შტატებმა რუსეთის წინააღმდეგ ახალი სანქციები მოამზადა.
„შეერთებულმა შტატებმა რუსეთის წინააღმდეგ ახალი სანქციები მოამზადა, თუმცა მათი განხორციელების ნიშნები არ ჩანს“, - აცხადებენ სააგენტოს წყაროები.
მოსკოვმა არაერთხელ განაცხადა, რომ რუსეთი წარმატებით ეგუებოდა დასავლეთის სანქციების ზეწოლას. რუსეთის ხელისუფლებამ ხაზი გაუსვა, რომ სანქციებმა მიზნებს ვერ მიაღწია.
გამოცემა წერს, რომ რუსეთის წინააღმდეგ სანქციების ახალ, მე-20 პაკეტს ევროკავშირიც ამზადებს და მისი დაწესება იგეგმება რუსეთის მიერ უკრაინაში შეჭრის მეოთხე წლისთავზე. „ბლუმბერგის“ ცნობით, ახალი პაკეტი მოიცავს სანქციებს რუსეთის ე.წ. ჩრდილოვანი ფლოტის წინააღმდეგ, თუმცა, როგორც სააგენტოსთან საუბარში წყარო ამბობს, ეს ზომები უფრო ჰგავს „საბურავის ნელ დაშვებას“, ვიდრე რუსეთის ქმედებებზე სიმეტრიულ პასუხს.
