მე ვფიქრობ, რომ პატრიარქის წმინდანად შერაცხვის საკითხი სინოდის პირველივე სხდომაზე უნდა დადგეს - ამის შესახებ მედიასთან, ახალქალაქის, კარის და კუმურდოს მიტროპოლიტმა, მეუფე ნიკოლოზმა განაცხადა.
მისი თქმით, პატრიარქის წმინდანად შერაცხვას მის გარდა სხვა სასულიერო პირებიც ემხრობიან და ამ საკითხს სინოდის სხდომაზე აუცილებლად დააყენებენ.
"კანონიზაციის 7 ნიშანი არსებობს, რომლის მიხედვითაც ხდება ადამიანის წმინდანად შერაცხვა. ერთ-ერთი მთავარი ნიშანი არის საყოველთაო თაყვანისცემა. აი ამაზე მეტი საყოველთაო თაყვანისცემა მე ვერც წარმოდმიგენია. დანარჩენი ყველა ნიშანს აკმაყოფილებს პატრიარქი. ცხოვრებაში სასწაულებთქმედებდა და ამას უამრავი ადამიანი ადასტურებს. განსაკუთრებული სიწმინდით ცხოვრობდა და ამას ყველანი ვადასტურებთ, ვინც მასთან შეხებაში იყო. მე ვფიქრობ, რომ სინოდის პირველივე სხდომაზე უნდა დადგეს მისი წმინდანად შერაცხვის, მე პირადად ამის მომხრე ვარ. იყო ასეთი შემთხვევები ეკლესისი ისტორიაში, როცა გარდაიცვლებოდა წმინდანი, მას მაშინვე შერაცხავდნენ წმინდანად. ვინ იქნება წინააღმდეგი? არმგონია, რამე არგუმენტი იყოს ამის... ასეთი აზრით არსებობს, ვინც იცნობდა ამ წმინდანს, სანამ ცოცხალია, მანამდე არ ირაცხება წმინდანად, დაახლოებით 50 წელი და მე ეს არგუმენტი გამოვთვქი მამა გაბრიელის წმინდანად შერაცხვისას, მაგრამ პატრიარქმა აიღო თავსი თავზე და ეს წესი დაარღვია. წესი კი არ დაირღვა, გამონაკლისი დაუშვა და მე ვფიქრობ, რომ თუ ვინმეზე უნდა გაკეთდეს გამონაკლისი, ჩვენი პატრიარქია. მე პირადად ვაპირებ ამ საკითხის დაყენებას, მაგრამ როგორ იმსჯელებენ, მაგას მე ვერ გეტყვით. თანამოაზრეები რა თქმა უნდა მყავს, რას ლაპარაკობთ", - ამბობს მეუფე ნიკოლოზი.
უწმინდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, 2026 წლის 17 მარტს, გვიან საღამოს, 93 წლის ასაკში გარდაიცვალა. ინფორმაცია ილია მეორეს გარდაცვალების შესახებ 22:47 საათზე კლინიკასთან დაადასტურა საპატრიარქო ტახტის მოსაყდრემ, მიტროპოლიტმა შიო მუჯირმა.
სრულიად საქართველოს კათოლიკოს-პატრიარქ ილიასთვის პატივის მისაგებად სამების საპატრიარქო ტაძარში სამოქალაქო პანაშვიდი გრძელდება. ილია II ყოვლადწმინდა სამების სახელობის საკათედრო ტაძარში დაასვენეს.
ილია მეორის გარდაცვალებასთან დაკავშირებით, საქართველოში გლოვა გამოცხადდა.
