უამინდობის გამო, ქუთაისის საერთაშორისო აეროპორტმა რამდენიმე რეისი ვერ მიიღო.
როგორც bm.ge-ს საქართველოს აეროპორტების გაერთიანებაში განუცხადეს, ძლიერი ქარის გამო თბილისის აეროპორტში დაჯდა ლარნაკას, ატირაუს და პოზნანის რეისები.
აეროპორტების გაერთიანების თანახმად, FlyArystan-ი (ატირაუს რეისი) თბილისიდან უკვე გაფრინდა მგზავრებით და ქუთაისის საერთაშორისო აეროპორტში დაჯდება 30 წუთში, WizzAir-ის ლარნაკას და პოზნანის რეისების მგზავრების ტრანსპორტირება მოხდება ავტობუსებით, თვითმფრინავები კი ქუთაისის აეროპორტში მგზავრების გარეშე გაფრინდებიან.
