მსოფლიოში პირდაპირი უცხოური ინვესტიციების (FDI) მოცულობა ყოველწლიურად 1.5 ტრილიონ დოლარს აჭარბებს. ქვეყნების სტატისტიკის სამსახურების, თუ ცენტრალური ბანკების მიერ დათვლილი FDI-ს მონაცემები გაეროს ვაჭრობისა და განვითარების ორგანიზაციამ (UNCTAD) დათვალა.
ამ დროისთვის ყველა ქვეყნისთვის დათვლილი ეს მაჩვენებელი მხოლოდ 2024 წლის მდგომარეობითაა ხელმისაწვდომი და უფრო ახალი - 2025 წლის მონაცემები ყველა ქვეყნისთვის ცნობილი მიმდინარე წლის ბოლოს გახდება.
UNCTAD-ის თანახმად, ყველაზე მეტ FDI-ს ყოველწლიურად ამერიკის შეერთებული შტატები იღებს, სადაც 2024-ში 278.8 მილიარდი დოლარის FDI შევიდა, რაც წლიურად 20%-ით გაზრდილი მაჩვენებელია. საქართველოში კი 2024 წელს FDI 1.57 მილიარდ დოლარს აღწევდა, რაც 18.6%-ით იყო შემცირებული. საქართველოზე ამავე წელს გლობალური FDI-ს 0.1% მოდიოდა.
FDI-ით მეორე ადგილზეა სინგაპური, რაც 143.4 მილიარდ დოლარს შეადგენდა, მესამე პოზიციას კი ჰონკონგის ადმინისტრაციული ერთეული იკავებს 126.2 მილიარდი დოლარით. ამასთან, რეიტინგის ტოპ 10-ში შედის ოფშორული ზონა ბრიტანეთის ვირჯინიის კუნძილები 53.6 მილიარდი დოლარით, ასევე ლუქსემბურგი, რომელიც ევროკავშირში ყველაზე მეტად გამოირჩევა მიმზიდველი კორპორაციული კანონმდებლობით და მრავალი კომპანია EU-ში ოპერაციების განსახორციელებლად, სწორედ ლუქსემბურგში აფუძნებს კომპანიებს, ამ ქვეყანამ 2024-ში 106 მილიარდი დოლარის FDI მიიღო.
ასევე, პირდაპირი უცხოური ინვესტიციები შეიძლება იყოს ნეგატიური მოცულობისაც, მაგალითად თუკი ქვეყნიდან სხვა ქვეყნებში ხორციელდება FDI ან ხდება კორპორაციული ვალის გასტუმრება ან მესაკუთრის შეცვლა და აქტივის მფლობელის ეროვნების ცვლილება, FDI შეიძლება მინუს რიცხვით აღირიცხოს. ამასთან, ნეგატიური ინვესტიციები შეიძლება ქვეყნიდან კაპიტალის გადინებასაც ასახავდეს, თუმცა არა ყოველთვის, განსაკუთრებით მაშინ თუ საქმე გვაქვს ფინანსურ ოპერაციებთან, რაც ამ ქვეყნის კონკრეტული საფინანსო ინსტიტუტის ან კონკრეტული საინვესტიციო პროექტის იურიდიული მოწყობის საკითხს უკავშირდება. ასე მაგალითად, შვეიცარიისთვის FDI 2024 წელს მინუს 60.7 მილიარდი დოლარი იყო, რაც ძირითადად დაკავშირებულია სწორედ შვეიცარიული საფინანსო ინსტიტუტების მიერ განხორციელებულ ოპერაციებთან. ასევე დიდი ბრიტანეთისთვის FDI იყო მინუს 40 მილიარდი დოლარი, ხოლო ირლანდიისთვის კი მინუს 39 მილიარდი დოლარი, მაშინ როდესაც ირლანდიაში ოპერირებს არაერთი უმსხვილესი ამერიკული კორპორაცია და ამ ქვეყანას ისინი ხშირ შემთხვევაში აშშ-სთან შედარებით დაბალი საგადასახადო რეჟიმის მიღებისთვის იყენებენ.
რაც შეეხება საქართველოს მეზობელ ქვეყნებს, 2024 წელს აზერბაიჯანმა 231 მილიონი დოლარის FDI მიიღო, სომხეთმა 139 მილიონი დოლარის, თურქეთმა 10.6 მილიარდი დოლარის, რუსეთმა კი 3.35 მილიარდი დოლარის FDI.
გლობალური FDI-ის ნაკადები პიკური 2015 წელს იყო და 2.2 ტრილიონ დოლარს შეადგენდა, მინიმალური მოცულობა კი 2020 წელს დაფიქსირდა - 868 მილიარდი დოლარის ოდენობით, ბოლო რამდენიმე წლის განმავლობაში კი ჯამური ნაკადები 1.4-1.5 ტრილიონი დოლარის ფარგლებშია.
FDI ქვეყნების მიხედვით 2024 წელს
| # | ეკონომიკა - ქვეყანა/ტერიტორია | FDI 2024 წელს |
| 1 | შეერთებული შტატები | $278.8 მილიარდი დოლარი; |
| 2 | სინგაპური | $143.4 მილიარდი დოლარი; |
| 3 | ჰონკონგი (SAR) | $126.2 მილიარდი დოლარი; |
| 4 | ჩინეთის სახალხო რესპუბლიკა | $116.2 მილიარდი დოლარი; |
| 5 | ლუქსემბურგი | $106.0 მილიარდი დოლარი; |
| 6 | კანადა | $64.1 მილიარდი დოლარი; |
| 7 | ბრაზილია | $59.2 მილიარდი დოლარი; |
| 8 | ბრიტანეთის ვირჯინიის კუნძულები | $53.6 მილიარდი დოლარი; |
| 9 | ავსტრალია | $53.5 მილიარდი დოლარი; |
| 10 | ეგვიპტე | $46.6 მილიარდი დოლარი; |
| 11 | არაბთა გაერთიანებული საამიროები | $45.6 მილიარდი დოლარი; |
| 12 | მექსიკა | $36.9 მილიარდი დოლარი; |
| 13 | კაიმანის კუნძულები | $35.9 მილიარდი დოლარი; |
| 14 | საფრანგეთი | $33.7 მილიარდი დოლარი; |
| 15 | ესპანეთი | $30.5 მილიარდი დოლარი; |
| 16 | ინდოეთი | $27.6 მილიარდი დოლარი; |
| 17 | იტალია | $24.7 მილიარდი დოლარი; |
| 18 | ინდონეზია | $24.2 მილიარდი დოლარი; |
| 19 | ვიეტნამი | $20.2 მილიარდი დოლარი; |
| 20 | შვედეთი | $18.3 მილიარდი დოლარი; |
| 21 | ისრაელი | $16.8 მილიარდი დოლარი; |
| 22 | საუდის არაბეთი | $15.7 მილიარდი დოლარი; |
| 23 | კორეის რესპუბლიკა | $15.2 მილიარდი დოლარი; |
| 24 | კოლუმბია | $14.2 მილიარდი დოლარი; |
| 25 | პორტუგალია | $14.1 მილიარდი დოლარი; |
| 26 | იაპონია | $13.4 მილიარდი დოლარი; |
| 27 | პოლონეთი | $12.7 მილიარდი დოლარი; |
| 28 | ავსტრია | $11.5 მილიარდი დოლარი; |
| 29 | არგენტინა | $11.4 მილიარდი დოლარი; |
| 30 | ჩილე | $11.4 მილიარდი დოლარი; |
| 31 | მალაიზია | $11.3 მილიარდი დოლარი; |
| 32 | ჩინეთი, ტაივანის პროვინცია | $10.9 მილიარდი დოლარი; |
| 33 | ნორვეგია | $10.8 მილიარდი დოლარი; |
| 34 | თურქეთი | $10.6 მილიარდი დოლარი; |
| 35 | ტაილანდი | $10.6 მილიარდი დოლარი; |
| 36 | ჩეხეთი | $10.2 მილიარდი დოლარი; |
| 37 | ნიდერლანდები (სამეფო) | $9.28 მილიარდი დოლარი; |
| 38 | ფილიპინები | $8.94 მილიარდი დოლარი; |
| 39 | ომანი | $8.69 მილიარდი დოლარი; |
| 40 | გაიანა | $8.63 მილიარდი დოლარი; |
| 41 | კვიპროსი | $7.39 მილიარდი დოლარი; |
| 42 | საბერძნეთი | $7.30 მილიარდი დოლარი; |
| 43 | დანია | $6.90 მილიარდი დოლარი; |
| 44 | რუმინეთი | $6.20 მილიარდი დოლარი; |
| 45 | პერუს | $5.89 მილიარდი დოლარი; |
| 46 | უნგრეთი | $5.74 მილიარდი დოლარი; |
| 47 | გერმანია | $5.72 მილიარდი დოლარი; |
| 48 | სერბეთი | $5.64 მილიარდი დოლარი; |
| 49 | მალტა | $5.37 მილიარდი დოლარი; |
| 50 | დომინიკის რესპუბლიკა | $4.52 მილიარდი დოლარი; |
| 51 | კამბოჯა | $4.40 მილიარდი დოლარი; |
| 52 | ხორვატია | $4.38 მილიარდი დოლარი; |
| 53 | კოსტა რიკა | $4.32 მილიარდი დოლარი; |
| 54 | ეთიოპია | $3.98 მილიარდი დოლარი; |
| 55 | კოტ დ'ივუარი | $3.80 მილიარდი დოლარი; |
| 56 | მოზამბიკი | $3.55 მილიარდი დოლარი; |
| 57 | მაკაო (ჩინეთი SAR) | $3.53 მილიარდი დოლარი; |
| 58 | რუსეთის ფედერაცია | $3.35 მილიარდი დოლარი; |
| 59 | უკრაინა | $3.33 მილიარდი დოლარი; |
| 60 | უგანდა | $3.31 მილიარდი დოლარი; |
| 61 | ლიტვა | $3.27 მილიარდი დოლარი; |
| 62 | კონგოს დემოკრატიული რესპუბლიკა | $3.11 მილიარდი დოლარი; |
| 63 | ბულგარეთი | $3.09 მილიარდი დოლარი; |
| 64 | უზბეკეთი | $2.84 მილიარდი დოლარი; |
| 65 | პანამა | $2.83 მილიარდი დოლარი; |
| 66 | მონღოლეთი | $2.78 მილიარდი დოლარი; |
| 67 | პაკისტანი | $2.57 მილიარდი დოლარი; |
| 68 | ბაჰრეინი | $2.48 მილიარდი დოლარი; |
| 69 | სამხრეთ აფრიკა | $2.47 მილიარდი დოლარი; |
| 70 | ნამიბია | $2.06 მილიარდი დოლარი; |
| 71 | სენეგალი | $2.02 მილიარდი დოლარი; |
| 72 | ფინეთი | $1.85 მილიარდი დოლარი; |
| 73 | ლიბანი | $1.84 მილიარდი დოლარი; |
| 74 | სლოვაკეთი | $1.84 მილიარდი დოლარი; |
| 75 | გვინეა | $1.83 მილიარდი დოლარი; |
| 76 | ტანზანია | $1.72 მილიარდი დოლარი; |
| 77 | ალბანეთი | $1.72 მილიარდი დოლარი; |
| 78 | ბელორუსია | $1.71 მილიარდი დოლარი; |
| 79 | გვატემალა | $1.69 მილიარდი დოლარი; |
| 80 | განა | $1.67 მილიარდი დოლარი; |
| 81 | ახალი ზელანდია | $1.65 მილიარდი დოლარი; |
| 82 | თურქმენეთი | $1.65 მილიარდი დოლარი; |
| 83 | მაროკო | $1.64 მილიარდი დოლარი; |
| 84 | იორდანია | $1.64 მილიარდი დოლარი; |
| 85 | ვენესუელა | $1.63 მილიარდი დოლარი; |
| 86 | საქართველო | $1.57 მილიარდი დოლარი; |
| 87 | მავრიტანია | $1.53 მილიარდი დოლარი; |
| 88 | კენია | $1.50 მილიარდი დოლარი; |
| 89 | ბაჰამის კუნძულები | $1.45 მილიარდი დოლარი; |
| 90 | ირანი | $1.45 მილიარდი დოლარი; |
| 91 | ალჟირი | $1.44 მილიარდი დოლარი; |
| 92 | ჩრდილოეთ მაკედონია | $1.36 მილიარდი დოლარი; |
| 93 | ნიკარაგუა | $1.35 მილიარდი დოლარი; |
| 94 | სლოვენია | $1.30 მილიარდი დოლარი; |
| 95 | ბანგლადეში | $1.27 მილიარდი დოლარი; |
| 96 | ზამბია | $1.24 მილიარდი დოლარი; |
| 97 | ლატვია | $1.21 მილიარდი დოლარი; |
| 98 | გაბონი | $1.15 მილიარდი დოლარი; |
| 99 | ბოსნია და ჰერცეგოვინა | $1.11 მილიარდი დოლარი; |
| 100 | მიანმარი | $1.10 მილიარდი დოლარი; |
| 101 | ნიგერია | $1.08 მილიარდი დოლარი; |
| 102 | ჩადი | $1.02 მილიარდი დოლარი; |
| 103 | ჰონდურასი | $994 მილიონი დოლარი; |
| 104 | ლაოსი | $988 მილიონი დოლარი; |
| 105 | ტუნისი | $936 მილიონი დოლარი; |
| 106 | კოსოვო | $927 მილიონი დოლარი; |
| 107 | კამერუნი | $925 მილიონი დოლარი; |
| 108 | რუანდა | $819 მილიონი დოლარი; |
| 109 | მალდივები | $806 მილიონი დოლარი; |
| 110 | ესტონეთი | $783 მილიონი დოლარი; |
| 111 | სომალი | $765 მილიონი დოლარი; |
| 112 | შრი-ლანკა | $761 მილიონი დოლარი; |
| 113 | ლიბერია | $747 მილიონი დოლარი; |
| 114 | ახალი კალედონია | $726 მილიონი დოლარი; |
| 115 | მალი | $709 მილიონი დოლარი; |
| 116 | ყირგიზეთი | $705 მილიონი დოლარი; |
| 117 | მავრიკი | $681 მილიონი დოლარი; |
| 118 | ელ სალვადორი | $640 მილიონი დოლარი; |
| 119 | ქუვეითი | $614 მილიონი დოლარი; |
| 120 | კონგო | $604 მილიონი დოლარი; |
| 121 | მონტენეგრო | $598 მილიონი დოლარი; |
| 122 | ზიმბაბვე | $597 მილიონი დოლარი; |
| 123 | ბენინი | $543 მილიონი დოლარი; |
| 124 | ნიგერი | $526 მილიონი დოლარი; |
| 125 | ბოტსვანა | $467 მილიონი დოლარი; |
| 126 | ყატარი | $460 მილიონი დოლარი; |
| 127 | მადაგასკარი | $413 მილიონი დოლარი; |
| 128 | პარაგვაი | $400 მილიონი დოლარი; |
| 129 | მოლდოვის რესპუბლიკა | $344 მილიონი დოლარი; |
| 130 | ბარბადოსი | $303 მილიონი დოლარი; |
| 131 | პაპუა-ახალი გვინეა | $303 მილიონი დოლარი; |
| 132 | სეიშელის კუნძულები | $299 მილიონი დოლარი; |
| 133 | ტაჯიკეთი | $291 მილიონი დოლარი; |
| 134 | ანტიგუა და ბარბუდა | $289 მილიონი დოლარი; |
| 135 | სიერა ლეონე | $274 მილიონი დოლარი; |
| 136 | გრენადა | $267 მილიონი დოლარი; |
| 137 | ბოლივია | $247 მილიონი დოლარი; |
| 138 | ტიმორ-ლესტე | $247 მილიონი დოლარი; |
| 139 | ეკვადორი | $232 მილიონი დოლარი; |
| 140 | გამბია | $232 მილიონი დოლარი; |
| 141 | აზერბაიჯანი | $231 მილიონი დოლარი; |
| 142 | მალავი | $220 მილიონი დოლარი; |
| 143 | წმინდა ლუსია | $217 მილიონი დოლარი; |
| 144 | ფიჯი | $204 მილიონი დოლარი; |
| 145 | ისლანდია | $189 მილიონი დოლარი; |
| 146 | ეკვატორული გვინეა | $188 მილიონი დოლარი; |
| 147 | ბელიზი | $166 მილიონი დოლარი; |
| 148 | პალესტინის სახელმწიფო | $162 მილიონი დოლარი; |
| 149 | იამაიკა | $156 მილიონი დოლარი; |
| 150 | კურასაო | $155 მილიონი დოლარი; |
| 151 | სომხეთი | $139 მილიონი დოლარი; |
| 152 | ბერმუდის | $118 მილიონი დოლარი; |
| 153 | არუბა | $103 მილიონი დოლარი; |
| 154 | ბუტანი | $100 მილიონი დოლარი; |
| 155 | ესვატინი | $93 მილიონი დოლარი; |
| 156 | ტოგო | $84 მილიონი დოლარი; |
| 157 | ბურკინა ფასო | $83 მილიონი დოლარი; |
| 158 | სამხრეთ სუდანი | $83 მილიონი დოლარი; |
| 159 | პალაუ | $69 მილიონი დოლარი; |
| 160 | ჯიბუტი | $68 მილიონი დოლარი; |
| 161 | სენტ ვინსენტი და გრენადინები | $68 მილიონი დოლარი; |
| 162 | კაბო ვერდე | $64 მილიონი დოლარი; |
| 163 | ნეპალი | $57 მილიონი დოლარი; |
| 164 | ტერქსისა და კაიკოსის კუნძულები | $44 მილიონი დოლარი; |
| 165 | ჰაიტი | $41 მილიონი დოლარი; |
| 166 | ცენტრალური აფრიკის რესპუბლიკა | $40 მილიონი დოლარი; |
| 167 | სინტ მარტენი (ჰოლანდიური ნაწილი) | $37 მილიონი დოლარი; |
| 168 | დომინიკა | $33 მილიონი დოლარი; |
| 169 | სოლომონის კუნძულები | $33 მილიონი დოლარი; |
| 170 | ბურუნდი | $32 მილიონი დოლარი; |
| 171 | ვანუატუ | $29 მილიონი დოლარი; |
| 172 | გვინეა-ბისაუ | $27 მილიონი დოლარი; |
| 173 | ბრუნეი დარუსალამი | $26 მილიონი დოლარი; |
| 174 | სენტ კიტსი და ნევისი | $26 მილიონი დოლარი; |
| 175 | ანგილა | $23 მილიონი დოლარი; |
| 176 | სან-ტომე და პრინსიპი | $22 მილიონი დოლარი; |
| 177 | დემ. კორეის სახალხო რეპუტაცია | $19 მილიონი დოლარი; |
| 178 | კომორის კუნძულები | $7 მილიონი დოლარი; |
| 179 | მონსერატი | $4 მილიონი დოლარი; |
| 180 | სამოა | $4 მილიონი დოლარი; |
| 181 | კუკის კუნძულები | $2 მილიონი დოლარი; |
| 182 | კირიბატი | $2 მილიონი დოლარი; |
| 183 | მარშალის კუნძულები | $2 მილიონი დოლარი; |
| 184 | ნაურუ | $0 მილიონი დოლარი; |
| 185 | ტუვალუ | $0 მილიონი დოლარი; |
| 186 | ტონგა | -$12 მილიონი დოლარი; |
| 187 | საფრანგეთის პოლინეზია | -$14 მილიონი დოლარი; |
| 188 | სურინამი | -$27 მილიონი დოლარი; |
| 189 | ერიტრეა | -$28 მილიონი დოლარი; |
| 190 | ლესოტო | -$42 მილიონი დოლარი; |
| 191 | ანგოლა | -$136 მილიონი დოლარი; |
| 192 | ტრინიდადი და ტობაგო | -$799 მილიონი დოლარი; |
| 193 | ურუგვაი | -$1.74 მილიარდი დოლარი; |
| 194 | ყაზახეთი | -$2.55 მილიარდი დოლარი; |
| 195 | ერაყი | -$7.46 მილიარდი დოლარი; |
| 196 | ბელგია | -$26.72 მილიარდი დოლარი; |
| 197 | ირლანდია | -$38.89 მილიარდი დოლარი; |
| 198 | გაერთიანებული სამეფო | -$40.00 მილიარდი დოლარი; |
| 199 | შვეიცარია | -$60.71 მილიარდი დოლარი. |
