Bloomberg-ის მილიარდერთა ინდექსის ზედა ათეულში სერიოზული ცვლილებებია, რაც, პირველ რიგში, ბილ გეიტსის ათეულს მიღმა დარჩენას ეხება, რაც აქამდე არასდროს მომხდარა.
Bloomberg-ის მილიარდერთა ინდექსი 2012 წლის მარტში შეიქმნა, რის შემდეგაც პირველადაა, როცა Microsoft-ის დამფუძნებელი საუკეთესო ათეულში არ ფიგურირებს.
გეიტსის ქონების დაახლოებით 30%-იანი ვარდნა განაპირობა აქციების მასობრივად გაყიდვამ და თანხის საქველმოქმედო მიზნებისთვის მობილიზებამ. საერთოდაც, გეიტსმა გამოაცხადა, რომ უახლოესი 20 წლის განმავლობაში თავისი ქონების 99%-ს სწორედ ამ მიზნებისკენ მომართავს.
Bloomberg-ის ამჟამინდელი მონაცემებით, გეიტსის კაპიტალი 124 მლრდ აშშ დოლარად ფასდება, რაც ინდექსის მე-10 ადგილოსან იენსენ უანის კაპიტალზე 19 მლრდ აშშ დოლარით ნაკლებია.
გარდა ამისა, მნიშვნელოვანი რეგრესი აქვს უორენ ბაფეტს, რომელიც ბოლო თვეების განმავლობაში ტოპ-5-ში სტაბილურად ტრიალებდა, ახლა კი, 144 მლრდ აშშ დოლარის კაპიტალით, ინდექსის მე-9 ადგილზეა.
2025 წლის 11 ივლისის მონაცემებით, Bloomberg-ის მილიარდერთა ინდექსის ტოპ-10 ასე გამოიყურება:
- ილონ მასკი - 357 მლრდ აშშ დოლარი
- მარკ ცუკერბერგი - 256 მლრდ აშშ დოლარი
- ლარი ელისონი - 251 მლრდ აშშ დოლარი
- ჯეფ ბეზოსი - 243 მლრდ აშშ დოლარი
- სტივ ბალმერი - 173 მლრდ აშშ დოლარი
- ბერნარ არნო - 165 მლრდ აშშ დოლარი
- ლარი პეიჯი - 161 მლრდ აშშ დოლარი
- სერგეი ბრინი - 151 მლრდ აშშ დოლარი
- უორენ ბაფეტი - 144 მლრდ აშშ დოლარი
- იენსენ უანი - 143 მლრდ აშშ დოლარი
