Kelistones - მარი დუას „ამერიკული ოცნება“ - „მითხრა, თუ ამის დამზადება შეგიძლია, მაღაზიაში რატომ მუშაობო...“

Kelistones - მარი დუას „ამერიკული ოცნება“ - „მითხრა, თუ ამის დამზადება შეგიძლია, მაღაზიაში რატომ მუშაობო...“

access_time2022-11-28 12:40:50

მარი დუა, რომელსაც მომხმარებელი Kelistones-ის სახელით იცნობს, საქართველოდან ამერიკაში 2018 წელს წავიდა. ორი წლის წინ კი ერთმა უცნაურმა შეხვედრამ მისი ცხოვრება ძირფესვიანად შეცვალა, რის შემდეგაც საყვარელ საქმიანობას დაუბრუნდა და ძმასთან ერთად სამკაულის ონლაინ მაღაზია Kelistosnes-ი შექმნა, რომელიც ჯერ-ჯერობით მხოლოდ ქართველ მომხმარებელს ემსახურება.


Kelistosnes-ის სამკაულის ფასი 5-დან 279 ლარამდეა. ამჟამად მარი დუა ახალ კოლექციაზე მუშაობს, რომელიც კონკრეტულად ამერიკელ და უცხოელ მომხმარებელზე იქნება გათვლილი. გარდა ამისა, Kelistones-ს მალე ახალი ვებგვერდი ექნება, სადაც ახალი კოლექცია გამოიფინება.

 

მარი დუა „კომერსანტთან“ საუბრისასა ამბობს, რომ სამკაულს მთელი ცხოვრება ამზადებდა, მაგრამ ვერ იფიქრებდა, რომ ოდესმე ეს საქმე მის პროფესიად იქცეოდა.

 

„ვერ ვიტყვი რომ რაიმე კონკრეტული ამერიკული ოცნება მქონდა, უფრო ლოს ანჯელესი მიყვარდა. აქაური ენერგია, კულტურა და ხელოვნება ყოველთვის მიზიდავდა და კალიფორნიის ნახვა მინდოდა. ვერასოდეს ვიფიქრებდი, რომ სამკაულის კეთებას ჩემი პროფესია გახდებოდა, მაგრამ მოვიდა ცხოვრებაში მომენტი, როცა მივხვდი, რომ ეს სიყვარული ჰობიზე მეტი იყო“,  გვიყვება მარი დუა.

 

მარი დუასთვის ამერიკაში ახალი ცხოვრების დაწყება და თავის დამკვიდრება იოლი არ ყოფილა. ერთმა შემთხვევამ კი მისი ცხოვრება ძირფესვიანად შეცვალა.


 

„ამერიკაში რომ ჩავედი, პრაქტიკულად ერთი წელი არსად მიმუშავია. მერე მაღაზიაში კონსულტანტად დავიწყე მუშაობა. იმ მომენტში ხელოვნება, ჩემი ხელსაქმე დავიწყებული მქონდა, ყოველდღიურობას ინერციით მივუყვებოდი. ერთ დღეს, მაღაზიაში ქალბატონი შემოვიდა და ნივთები შეიძინა. დახლთან რომ მოვიდა, ჩემს მინანქრის გულსაკიდზე შეაჩერა ყურადღება (საქართველოში დამზადებული მინანქრის გულსაკიდი მეკეთა). გაუკვირდა, თუ ამის დამზადება შეგიძლია, მაღაზიაში რატომ მუშაობო. მკითხა თუ გაყიდი, რამდენად გაყიდიო. კონკრეტული თანხა დავუსახელე. მერე ბანკომატთან მივიდა და თანხა გამოიტანა. მივხვდი, რომ შეძენას აპირებდა და გულსაკიდის მოხსნა დავიწყე. სამკაული არ გამომართვა, თანხა გამომიწოდა და მითხრა, არასოდეს დაგავიწყეს ამ ქვეყანაში რისთვის ჩამოხვედიო. მაღაზიიდან რომ გავიდა, თანხა გადავითვალე და ვნახე რომ 500$ იყო, პრაქტიკულად ჩემი 1 კვირის ხელფასი. გაოგნებული ვიყავი. ამის შემდეგ, მაღაზიაში მუშაობას თავი დავანებე, მე და ჩემმა ძმამ თანხა შევაკოწიწეთ, სამკაულის კეთება დავიწყე და ონლაინ მაღაზია kelistones.store-ი შევქმენით“, იხსენებს მარი დუა.


 


„იმ ქალბატონთან შეხვედრამ ჩემს შემართებაზე და მიზნისკენ სწრაფვაზე დიდი გავლენა იქონია. მაშინ, როცა ცხოვრებაში დაბნეული ხარ და ინერციას მიყვები, ასეთი შემთხვევა შენს მივიწყებულ, მაგრამ სწორ გზას გაჩვენებს“, ამბობს მარი.

 

 

მარი დუამ ბრენდზე აქტიურად მუშაობა ორი წლის წინ დაიწყო. პირველი კოლექცია ნატურალურ ქვებზე და ხის ჩანართებზე იყო კონცენტრირებული და  ყოველდღიურ სამკაულს მოიცავდა. ახალი კოლექცია - BOLDEMMARE უფრო ფერადია, სუფთა ვერცხლითა და მოოქრული თითბირით, ნატურალური ქვებითა და ფერადი შუშებით იქმნება და უკვე გაყიდვაშია.

 

 

მოამზადა მაკა ბიბილაშვილმა





შენობების სეისმომედეგობა და სტანდარტები 2024 წლიდან გამკაცრდება

შენობების სეისმომედეგობა და სტანდარტები 2024 წლიდან გამკაცრდება
access_time2023-02-07 00:30:47
...

მიწისძვრის შედეგად სირიის რეგიონში 4,1 მილიონი ადამიანი ჰუმანიტარულ დახმარებას საჭიროებს

მიწისძვრის შედეგად  სირიის რეგიონში 4,1 მილიონი ადამიანი ჰუმანიტარულ დახმარებას საჭიროებს
access_time2023-02-06 23:55:12
ორშაბათს გაეროს ჰუმანიტარული საკითხთა კოორდინაციის ოფისის (OCHA) ცნობით, სირიის ჩრდილო-დასავლეთის რეგიონში, რომელიც ორშაბათს დამანგრეველი მიწისძვრით დაზარალდა,  4,1 მილიონი ადამიანი ჰუმანიტარულ დახმარებას...

Dell-ი 6650-ზე მეტ თანამშრომელს ათავისუფლებს

 Dell-ი 6650-ზე მეტ თანამშრომელს ათავისუფლებს
access_time2023-02-06 23:00:27
Dell-ი  თანამშრომლების 5%-ის გათავისუფლებას გეგმავს, ამის შესახებ ინფორმაციას cnnbusiness ავრცელებს. ეს გადაწყვეტილება კომპანიამ ხარჯების შემცირების მიზნით მიიღო. Dell დაახლოებით  133,000 ადამიანს ასაქმებს, როგორც კომპანიის  წარმომადგენელმა cnn-ს უთხრა ეს 5% იანი შემცირება იქნება რაც რაოდენობრივად 6500-ზე მეტი თანამშრომლის გათავისუფლებას გულისხმობს.   კომპიუტერულმა...

წინასწარი მონაცემებით თურქეთის მიწისძვრა $1 მილიარდზე მეტ ზარალს გამოიწვევს

წინასწარი მონაცემებით თურქეთის მიწისძვრა  $1 მილიარდზე მეტ ზარალს გამოიწვევს
access_time2023-02-06 21:00:48
თურქეთსა და სირიაში  ორი ძლიერი მიწისძვრის შედეგად ათასობით შენობა განადგურდა. წინასწარი მონაცემებით ზარალი  1 მილიარდ დოლარს გადააჭარბებს. - აღნიშნულ ინფორმაციას გამოცემა reinsurancene  აქვეყნებს.   მონაცემების თანახმად, ზარალმა შესაძლოა თურქეთის მთლიანი შიდა პროდუქტის 2%-მდე შეადგინოს.   თურქეთის პრეზიდენტმა რეჯეფ თაიფ ერდოღანმა მიწისძვრებს 1939...

თურქეთში მიწისძვრის შედეგად საქართველოს კიდევ ერთი მოქალაქე დაიღუპა

თურქეთში მიწისძვრის შედეგად საქართველოს კიდევ ერთი მოქალაქე დაიღუპა
access_time2023-02-06 19:55:44
თურქეთში საქართველოს საელჩოს ცნობით  იუწყება, მიწისძვრის შედეგად საქართველოს კიდევ ერთი მოქალაქის დაღუპა. თურქეთის ქ.ანთაქიაში საქართველოს მოქალაქის - ო.ც.-ს დაღუპვა საელჩოს თვითმხილველმა აცნობა.   „საქართველოს დიპლომატიური წარმომადგენლობები 24-საათიან რეჟიმში მუშაობენ თურქეთში მყოფი საქართველოს მოქალაქეების თაობაზე ინფორმაციის მიღების და მათი დახმარების მიზნით. საელჩო ხაზზეა გარდაცვლილის ოჯახთან, ასევე თურქეთის შესაბამის უწყებებთან", - ნათქვამია საელჩოს...


მსგავსი სიახლეები

up