საქართველოში ბრენდირებული ბენზინგასამართი სადგურების ნაწილზე ყველაზე იაფი რეგულარის მარკის ბენზინის ფასმა ახალი ფსიქოლოგიური ნიშნული – 3–ლარიანი ზღვარი გადალახა. შედარებით დაბალი ფასის გამო რეგულარზე მოთხოვნა ყველაზე მაღალია და მისი წილი ბენზინის იმპორტსი 65%-ს აჭარბებს.
ბრენდირებულ სადგურებზე რეგულარის ფასი 2.93-დან 3.03 ლარამდე მერყეობს, პრემიუმის 3.05-დან 3.15 ლარამდე, სუპერის ფასი 3.14 ლარიდან იწყება და 3.23 ლარზე ადის. დიზელის ფასი კი 2.85-დან 2.95-ის ფარგლებში მერყეობს, ევროდიზელის 2.96-დან 3.05 ლარის ფარგლებში. ლარის 26–წლიანი არსებობის ისტორიასი საწვავი ასეთი ძვირი არასდროს ყოფილა.
ბოლო 1 წელიწადში 1 ლიტრი საწვავი საშუალოდ 1 ლარით გაძვირდა. გასული წლის აგვისტოში რეგულარის შეძენა 2 ლარად იყო შესაძლებელი, პრემოიმის - 2.10-ად, ასევე 2.10 ღირდა ევროდიზელიც.
2021 წლის იანვარში რეგულარი 2.25 ღირდა, პრემიუმი - 2.45 ლარი. 3 თვის წინ, სანამ ლარი გამყარებას დაიწყებდა, რეგულარის შეძენა 2.85-ის ფარგლებში იყო შესაძლებელი, პრემიუმის – 2.95-ის.
ბოლო 3 თვეში ლარი დოლართან მიმართებაში 10%-ით გამყარდა, სწავავი კი იმავე პერიოდში დაახლოებით 7%-ით გაძვირდა. ნავთობიმპორტიორები მიზეზად, ტრადიციულად, პლატსზე მაღალ ფასს ასახელებენ. პლატსის ფასი ნედლი ნავტობის ფასზეა მიბმული. ბოლო 3 თვეში ბრენტის მარკის ნავთობი ჯერ $68-დან $76-მდე გაძვირდა, ბოლო 10 დღეში კი $71-მდე გაიაფდა, მის მსგავსად ამერიკული მსუბუქი ნავთობიც ჯერ $65-დან $74-მდე გაძვირდა, ბოლოს კი $68-მდე გაიაფდა.
მსოფლიო ბაზარზე ნავთობის გაიაფებას, საქართველოში მყისიერი რეაგირება ფაქტობრივად არასდროს მოჰყოლია, რასაც იმპორტიორები მაღალ ფასად შეძენილი მარაგებით ხსნიდნენ ხოლმე.
საქართველოში საწვავის მაღალ ფასებზე განცხადება აფბა-მაც გაავრცელა, მისი შეფასებით ფასები საერთაშორისო ტრენდს აცდენილია.