პირველი ქართველი, ვინც ბიზნესი Amazon- ზე დაიწყო და მზადაა გამოცდილება თქვენც გაგიზიაროთ

პირველი ქართველი, ვინც ბიზნესი Amazon- ზე დაიწყო და მზადაა გამოცდილება თქვენც გაგიზიაროთ

access_time2018-01-13 16:00:23

ბევრი ადამიანი მსოფლიოს მასშტაბით ფიქრობს, რომ „ამაზონზე“ მხოლოდ დიდ და მასშტაბურ კომპანიებს აქვთ პროდუქციის გაყიდვის შესაძლებლობა. თქვენს ასეთ წარმოდგენას სრულიად შეცვლის პროგრამა ,,ამაზონ FBA“, რომლის საშუალებით ნებისმიერ მცირე მეწარმეს მსოფლიოს სხვადასხვა ქვეყნებიდან საშუალება აქვს, თავად მოიძიოს ან დაამზადოს ამაზონზე გაყიდვადი ნებისმიერი სახის პროდუქტი. ამაზონი მიიღებს პროდუქტს, დაასაწყობებს, გაუგზავნის ადრესატს და პრობლემურ კლიენტებთან კომუნიკაციასაც თავად უზრუნველყოფს.

 

ლევან მოლაშვილი პირველი ქართველია, რომელმაც ბიზნესი ,,ამაზონ FBA”-ის პროგრამის მეშვეობით დაიწყო. ლევანმა საინვესტიციო ჯგუფ Kedari Ventures- სთან თანამშრომლობით ახლახანს შექმნა კომპანია Amazon Export Hub, რომელიც მსურველებს აღნიშნულ პროგრამაში ჩართავს და წარმატებულ საქმიანობაში დაეხმარება.

 

”ამ პროგრამის შესახებ უკრაინელებისგან შევიტყვე მას შემდეგ, რაც ეროვნული ვალუტის კურსი ყოფილ დსთ-ს ქვეყნებში დაეცა. პროგრამა ,,ამაზონ FBA” თანხის ამერიკულ ვალუტაში გამომუშავების კარგი საშუალებაა,” - განმარტავას Amazon Export Hub-ის თანადამფუძნებელი ლევან მოლაშვილი.

 

მოგვიყევით ,,ამაზონ FBA-ს” პროგრამის შესახებ. რით განსხვავდება ის ”ამაზონზე” პროდუქციის ტრადიციული გაყიდვისგან და რა არის მისი უპირატესობები?

  

პროექტი ,,ამაზონ FBA“ -ის საშუალებით, ნებისმიერ ადამიანს, რომელიც დაინტერესებულია ელექტრონული კომერციით და პროდუქტის გაყიდვით გლობალურ ბაზარზე, საშუალება ეძლევა შეისწავლოს საქმე მარტივად და განახორციელოს მომგებიანი სავაჭრო ოპერაციები უდიდეს სავაჭრო პლატფორმა ამაზონზე.

 

პროგრამაში ჩართვა მარტივია იმიტომ რომ შესაძლებელია ნებისმიერმა მსურველმა გააგზავნოს ამაზონზე პროდუქციის მინიმალური რაოდენობა, შესაბამისად ინვესტირებისთვის საჭიროა მცირე თანხა, ამაზონის საწყობში პროდუქციის განთავსება და დასაწყობება ყოველთვიურად მხოლოდ 40 დოლარი ღირს, რაც ამ პროცესს ფინანსურად ძალიან ხელსაყრელს და ხელმისაწვდომს ხდის.



საქართველოს მოქალაქეებისთვის განსაკუთრებით მიმზიდველი უნდა იყოს რომ ამაზონზე ბიზნესის წარმოებით შემოსავლის მიღება ამერიკული ვალუტაშია შესაძლებელი, შესაბამისად ქართულ ვალუტაში კონვერტაციის შემდეგ მოგების საკმაოდ მაღალი მარჟის დატოვებაა შესაძლებელი.

 

 

 

საქართველო რამდენადა აქტიურად არის ჩართული ”ამაზონ FBA” პროგრამაში?

 

სამწუხაროდ, საქართველო ძალიან მცირედით არის ჩართული ამ პროცესში. ეს ყველაფერი კი ხდება იმის ფონზე, როდესაც ჩვენი მეზობელი ქვეყნების მოქალაქები უკვე აქტიურად ჩაერთნენ პროგრამაში და სოლიდურ მოგებასაც ნახულობენ საქმიანობით. შეიძლება ითქვას რომ ინფორმაციული ნაკლებობის და ტექნიკური ცოდნის სიმწირის გამო ”ამაზონის” ბაზრის უზარმაზარი პოტენციალის გამოყენების შესაძლებლობა აუთვისებელია. ჩემი ინფორმაციით ამ საქმიანობით დაკავებული ქართველების მცირე რაოდენობა ცხოვრობს და მოღვაწეობს უცხოეთში, შესაბამისად ისინი ვერ უზიარებენ ცოდნას საქართველოს მოქალაქეებს. მოკლედ, დანამდვილებით შეგვიძლია ვთქვათ, რომ საქართველო და ზოგადად, კავკასიის რეგიონი პრაქტიკულად არ არის ჩართული ამ პროცესში.

 

თქვენ ხართ პირველი ქართველი, რომელმაც ”ამაზონ FBA” პროგრამაში მიიღეთ მონაწილეობა. მოგვიყევით ამ პროცესის შესახებ

 

ეს რამდენიმე თვის წინ მოხდა, ტრენინგები გავიარე უკრაინაში პროფესიონალების გუნდთან, დეტალურად შევისწავლე საქმის როგორც თეორიული ასევე პრაქტიკული მხარე. საქართველოში დაბრუნების შემდეგ გავაკეთე პირველი პროექტი: გავაგზავნე ნატურალური პროდუქციის ხელნაკეთი ნივთები, რომელთა დამზადებაც რეალურად დიდ ძალისხმევას არ მოითხოვდა და ”ამაზონზე” საკმაოდ ძვირად ფასობდა. ჩვენი პირველი პროდუქტი, რაც ”ამაზონზე” გავყიდეთ იყო თიხის ნივთები, რომლებიც საქართველოში 1 ლარად დავამზადეთ და დღემდე ვყიდით 12,59 დოლარად. შემდეგ დაემატა ხის პროდუქცია, რაც ასევე საკმაოდ წარმატებით იყიდება.

 


პირველი წარმატების შემდეგ შექმენით კომპანია Amazon Export Hub. რა მიმართულებით საქმიანობს თქვენი კომპანია?

 

მას შემდეგ რაც წარმატებით გავაგზავნე ამაზონზე რამოდენიმე პროდუქტი, მზად ვარ ჩემი ცოდნა და გამოცდილება გავუზიარო საქართველოს მოქალაქეებსაც. ამისათვის დავაარსეთ კომპანია Amazon Export Hub. აქცენტი გაკეთდება 3 მიმართულებაზე. პირველ რიგში ეს არის სწავლება. კურსი მოიცავს რეგისტრაციის პროცესის პრაქტიკულ განხორციელებას, ბაზრის ანალიზს, ლოჯისტიკასა და კოდების სისტემაში დახმარებას, ამასთანავე, საწყობების კონტროლსა და განთავსებული განცხადების (,,ლისტინგის) საძიებო სისტემაში წინა პოზიციებზე წაწევას (SEO, დარანკვა). ასევე მომხმარებლებს შევთავაზებთ საშუამავლო-საკონსულტაციო მომსახურებას, რომელიც სასწავლო კურსის გავლის გარეშე მოემსახურება მსურველებს სასურველი პროდუქტი გააგზავნონ და გაყიდონ ამაზონის პლატფორმაზე. ხოლო მათ, ვისაც იდეები აქვს და მისი განხორციელების ფინანსური შესაძლებლობა არ გააჩნია, მათი იდეების განხილვას და დაფინანსებას ვთავაზობთ.

 

ბიზნესპრესნიუსი 




არაპროფესიონალები ტურიზმში, რაც ქვეყნის იმიჯს საფრთხის ქვეშ აყენებს

 არაპროფესიონალები ტურიზმში,  რაც ქვეყნის იმიჯს საფრთხის ქვეშ აყენებს
person access_time2018-04-24 12:30:00
ტურიზმის ეროვნული ადმინისტრაციის ბოლო დროინდელი კვლევის თანახმად, საქართველოში ტურიზმის სფერო სწრაფი ტემპით ვითარდება. რამდენად მოსწონთ უცხოელ ტურისტებს საქართველო და რამდენად კმაყოფილები რჩებიან ქართული მასპინძლობით; ტურიზმი, პრობლემები და მისი განვითარებისთვის საჭირო რესურსებზე ისაუბრეს რადიო „კომერსანტის“ ეთერში, გადაცემაში „მოითხოვე ქართული“ ტურისტული კომპანია ,,იბერია ტურს პლიუსი დამფუძნებელმა მაიკო მურაჩაშვილმა.   მაიკო მურაჩაშვილი გვიყვება,...

რამდენად ძვირია საბანკო სესხები საქართველოში -საპროცენტო განაკვეთი ბოლო წლებში კლებადი ტრენდით ხასიათდება

რამდენად ძვირია საბანკო სესხები საქართველოში -საპროცენტო განაკვეთი ბოლო წლებში კლებადი ტრენდით ხასიათდება
person access_time2018-04-24 11:30:00
კითხვაზე პასუხის გასაცემად სასურველია დავაკონკრეტოთ, თუ რასთან შედარებით შეიძლება იყოს ქართულ საბანკო სექტორში სესხებზე საპროცენტო განაკვეთები ძვირი ან იაფი. თუ მაგალითად ჩვენს სამეზობლო ქვეყნებში მოქმედი ბანკების პროცენტებს შევადარებთ, დაახლოებით იგივე სურათს მივიღებთ, ცოტათი უფრო უკეთესს, მაგრამ თუ ევროპის და დასავლეთის განვითარებულ ქვეყნებს შევედრებით, ვნახავთ, რომ ბევრად ძვირია ქართული საბანკო პროდუქტები. გარდა ამისა გასათვალისწინებელია თუ რა პარამეტრებისგან შედგება საპროცენტო განაკვეთი,...

მასწავლებლებისთვის შესაბამისი კატეგორიის შენარჩუნების სტატუსი სექტემბრიდან გამარტივდება

მასწავლებლებისთვის შესაბამისი კატეგორიის შენარჩუნების სტატუსი  სექტემბრიდან გამარტივდება
person access_time2018-04-24 09:50:00
  მასწავლებელთა პროფესიული განვითარების ეროვნულ ცენტრში მონიტორინგის შედეგად მომზადდა ცვლილებების პაკეტი, რომელიც მასწავლებლებისთვის შესაბამისი კატეგორიის შენარჩუნების სტატუსს  ამარტივებს. კერძოდ, როგორც როგორც მასწავლებელთა პროფესიული განვითარების ეროვნულ ცენტრის ექსპერტ-კონსულტანტმა სოფო ლობჟანიძემ „კომერსანტთან“ საუბარში აღნიშნა, ცენტრის მიერ ჩატარებული მონიტორინგის შედეგად გაკეთდა პროცესის ანალიზი, რომელმაც კონკრეტული ცვლილებების დანერგვის აუცილებლობა...

ფინანსთა სამინისტროს აკადემიის სახელმწიფო შესყიდვები კორუფციის ნიშნებს შეიცავს

ფინანსთა სამინისტროს აკადემიის სახელმწიფო შესყიდვები კორუფციის ნიშნებს შეიცავს
person access_time2018-04-23 20:00:00
„საერთაშორისო  გამჭვირვალობა - საქართველო” საჯარო უწყებების მიერ განხორციელებულ შესყიდვებს რეგულარულად აკვირდება. ამ პროცესში არაერთი საყურადღებო შემთხვევა აღმოგვიჩენია, რომელიც სავარაუდო კორუფციის ნიშნებს შეიცავდა. ამჯერად ჩვენი ყურადღება ფინანსთა სამინისტროს აკადემიის მიერ ჩატარებულმა ტენდერმა მიიპყრო, რომელშიც რამდენიმე საეჭვო გარემოება გამოვლინდა.    ფინანსთა სამინისტროს აკადემია საქართველოს ფინანსთა სამინისტროს მმართველობის სფეროში შემავალი საჯარო სამართლის...

KTW ჯგუფის კიდევ ერთი წამატებული პროექტი!

KTW  ჯგუფის კიდევ ერთი წამატებული პროექტი!
person access_time2018-04-23 19:00:05
„ახაშენი   ღვინის   კურორტი“ - ასე ეწოდება საერთაშორისო სტანდარტების ახალ  სასტუმროს   კახეთში, რომელიც    2018 წლის    მარტს, გურჯაანის  რაიონის   სოფელ    ახაშენში, KTW ჯგუფმა  პომპეზურად  გახსნა. აღნიშნული   პროექტი   კომპანიის  კიდევ   ერთი   წინ  გადადგმული ნაბიჯია, რომელიც საქართველოში ღვინის ტურიზმის   განვითარებას...


მსგავსი სიახლეები