"მთავრობასთან უკეთესი თანამშრომლობით მეტ საბიუჯეტო დაფინანსებას მივიღებთ"

access_time2017-11-14 14:33:21

თბილისის ახალი მერი კახა კალაძე საკუთარი მმართველობის პირობებში დედაქალაქის ბიუჯეტის ერთ მილიარდ ლარამე გაზრდას გეგმავს. როგორც „საქმის კურსს" ვიცე-მერობის კანდიდატმა ირაკლი ხმალაძემ განუცხადა, ეს პირველივე წელს არ მოხდება.

 

"ჩვენ ძირითადად მხედველობაში გვქონდა, რომ მთავრობასთან უკეთესი, ეფექტური თანამშრომლობით შევძლებთ უფრო მეტი საბიუჯეტო დაფინანსების მიღებას მნიშვნელოვანი პროექტების განსახორციელებლად. თბილისის ეკონომიკის განვითარების ხარჯზე ნელ-ნელა გაიზრდება ქალაქის შემოსავალი და მერიის წლიური ბიუჯეტი მილიარდ ლარამდე გახდება. ჩვენ მოვედით ისეთი გუნდი, რომელსაც გვაქვს ისეთი გამოცდილება, თუ როგორ არის შესაძლებელი ამა თუ იმ დარგის საინვესტიციო პოტენციალის გამოყენება და სწორედ ამ მიმართულებით ვგეგმავთ კონკრეტული პროექტების განხორციელებას. ეს იქნება მოზიდული ინვესტიციები, დამატებითი სამუშაო ადგილები, უფრო მეტი შემოსავალი ჩვენი დედაქალაქის მოსახლეობისთვის, გაზრდილი ტურიზმი და რა თქმა უნდა, უფრო მეტი გადახდილი გადასახადი ადგილობრივ და ცენტრალურ ბიუჯეტებში. ეს არის ჩვენი ძირითადი გეგმა თბილისის ბიუჯეტის გაზრდასთან დაკავშირებით", - განმარტა ხმალაძემ.

 

თბილისის ახალი მოწვევის საკრებულოში დედაქალაქის 2018 წლის ბიუჯეტის პროექტის განხილვა მომავალი კვირიდან იგეგმება.

 

 

bm.ge

 



“პირველი იანვრიდან ხელფასს დაერქმევა ხელფასი, პრემიას - პრემია"- ირაკლი ხმალაძე

person access_time2017-11-19 12:56:41
პირველი იანვრიდან ძალაში შედის სახელფასო რეფორმა, რომლითაც წლის განმავლობაში პრემიის ოდენობა ჯამურად 10%–ს უნდა შეადგენდეს. ამის შესახებ ტელეკომპანია „იმედის“ პირდაპირ ეთერში თბილისის ვიცე–მერმა ირაკლი ხმალაძემ განაცხადა. მისივე თქმით, პირველი...

Bloomberg-მა 2017 წლის საუკეთესო ბიზნეს სკოლები დაასახელა

person access_time2017-11-18 12:30:40
Bloomberg ამერიკის საუკეთესო ბიზნეს სკოლების ყოველწლიურ რეიტინგს აქვეყნებს. ზედიზედ მესამე წელია სიის სათავეში Harvard ხვდება. მიმდინარე წელს რეიტინგში პოზიციები გაიუმჯობესეს პენსილვანიის უნივერსიტეტმა და MIT -მა. რეიტინგის შედეგენისას შემდეგი კრიტერიუმები გამოიყენეს: კურსდამთავრებულების და სტუდენტების სამეცნიერო მიღწევები; კურსდამთავრებულების დასაქმების მაჩვენებელი და მათი საშუალო ანაზღაურება. Columbia Business School-ის კურსდამთავრებულები სწავლის...

სად არის თქვენს მიერ დაანონსებული გაზრდილი ინვესტიციები ბატონო გიორგი?

person access_time2017-11-18 11:00:18
„2017 წლიდან ლარი ისე გამყარდება, რომ ეროვნულ ბანკს მიჯნის დადება მოუწევს“, — ამის შესახებ საპარლამენტო უმრავლესობის დეპუტატმა, გიორგი გაჩეჩილაძემ 2016 წლის ნოემბერში მთავრობის ახალი შემადგენლობის პარლამენტში მოსმენისას განაცხადა . ამასთან, გიორგი გაჩეჩილაძემ მთავრობის ახალ შემადგენლობას კითხვაც დაუსვა, თუ როგორ შეძლებენ მომავალში გამყარებულ ლარზე ზღვარის დაწესებას. მაშინ „მწვანეთა პარტიის” ლიდერმა, გიორგი გაჩეჩილაძე ისიც განაცხადა, რომ მომავალ წელს...

თბილისის საკრებულომ დედაქალაქის მთავრობა დაამტკიცა

person access_time2017-11-17 18:46:40
თბილისის საკრებულოში რიგგარეშე სხდომა გაიმართა, რომელსაც წარმომადგენლობითი ორგანოს თავმჯდომარე გიორგი ტყემალაძე უძღვებოდა. სხდომაზე ვიცე - მერობის კანდიდატმა, ირაკლი ხმალაძემ საკრებულოს წევრებს მერის მოადგილეების, საქალაქოს სამსახურების ხელმძღვანელებისა და გამგებლების ახალი შემადგენლობა წარმოუდგინა.   დეპუტატების უმრავლესობამ ვიცე-მერს ირაკლი ხმალაძეს, მერის მოადგილეებს: მაია ბითაძეს, ირაკლი ბენდელიანს და გიგა ნიკოლეიშვილს, ასევე დედაქალაქის მთავრობას...

The New York Times – ავწიოთ ჭიქა საქართველოსთვის, რომელიც მეღვინეობის აკვანია

person access_time2017-11-17 20:30:20
ავწიოთ ჭიქა საქართველოსთვის, რომელიც მეღვინეობის აკვანი შეიძლება იყოს, – ამ სიტყვებით იწყებს The New York Times საქართველოს შესახებ გამოქვეყნებულ სტატიას სათაურით, „8 000 წლის დაძველების ღვინო პრეისტორიული ხანის საქართველოდან“. გამოცემა წერს, რომ „ქვეყანა, რომელიც ევროპასა და შუა აზიას შორის, სამხრეთ კავკასიის მთების გასწვრივ გაშლილ ნაყოფიერ ველებზეა გადაჭიმული, შეიძლება იყოს იმ ადამიანების სამშობლო, რომლებმაც ჩვეულებრივი ვაზის კულტივირება შეძლეს და საფუძველი ჩაუყარეს შარდონეს,...


მსგავსი სიახლეები